Iqela le SSU zintshatsheli ze MTN8 2017/18 emvakokuphumelela ngempelaveki libetha iCape Town City kwii penalty 4-2. iCitizens bezikhokela ngenqaku elinye phantse wonke umdlalo, kodwa ngoncedo luka Mnyamana aMatsatsantsa aye alinganisa 1-1 ntoleyo ebangele umdlalo udlulele kwixesha elongezelelweyo.
Namhlanje sincokola negqala kwibhola ekhatywayo uThabo September noThabo Mnyamana ofake inqaku elibalulekileyo kulomdlalo

Xa siphawula inyanga yezothutho sikhumbula nabo abaphulikana nobom kwiingozi zendlela. Namhlanje sithetha noSensei Doc mayelana kokusweleka kuka Sensei Mandu Nonoyi.
Wafumana ingozi ngomhla 27 May 2007, ebuya kwi national karate tournament eSasolburg. Lengozi bayifumana xa bese Cradoc kwasweleka yena nomnye wabadlali bakhe uLoyiso. Ingaba ukusweleka kwakhe kwalichaphazela njani iphondo njengenye yeenkokheli ezidlalale indima kuphuhliso lwalomdlalo nakwicala lokuzama inkxaso mali yabadlali

Ababafana babini uMdu noMveli zizigantsontso osozoba abazakukhwela eqongeni kukhuphiswano lwe Bodybuilding i-OR Thambo Southern Africa Bodybuilding Champs ezingomhla 21 October eWalter Sisulu University. Bobabini bayagqugqisa kwii divisions zabo, kwaye uMveli ebesandula ukuphumelela i-overall kwii Arnolds.

iXaba Boxing Promotions and events izakusindleka umdlalo wamanqindi ophawula lenyanga i-Our Provincial Heritage.
Owona mlo uphambili walomsitho yi WBO Vacant Featherweight Intercontinental Title phakathi kuka Lusanda Komanisi no-Jhack Tepora wase Philippines.
Namhlanje sithelekisa iimbethi manqindi ezizakuxhasa le bout uLindile Tsotsi Tshemese no Yanga Showtime Sigqibo.
Lomlo ungomhla wama 22 ku September eOrient Theatre

uAyanda ngumdlali omele isizwe kumdlalo wokutsala intambo (Tug of war) udontsani. Lomdlalo ngomnye ojongwa njengowenkcubeko kuba ubudlalwa kwamandulo.
Ukanti udlalwa ngamaqela amabini kwaye iqela ngalinye litsalela kwelalo icala de kubekho eloyisakalayo.
Eminye imidlalo ayidlalileyo yi hockey ne Netball

uDan Dumile Qeqe wasweleka ngonyaka ka 2005 engunongxowa weqela le Spring Rose eBhayi . Wayelitshantliziyo lezemidlalo elalisilwa ingcinezelo nobuhlanga kwimidlalo yephondo lempuma koloni.
Kwathi xa iBantu Administration Board imalela ukuba asebenzise amabala ukusindleka imidlalo yamaqela amnyama eKwazakhele Rugby Union (KWARU) wamema uluntu ukuba kwakhiwe elakhe ibala lombhoxo iDan Qeqe Stadium eZwide.
Ngeminyaka yoo 1950 wazimanya neqela le Spring Rose eBhayi emva kokuhamba kwakhe eBhofolo.
Ngeminyaka yoo 1970 wayekulawulo lombhoxo neqakamba eMpumakoloni.
Namhlanje sincokola negqala lombhoxo ukusibalisela ngelifa elashiywa ngu Dan Qeqe xa siphawula lenyanga yamafa inkcubeko nokhenketho...

uMakhosandile Plaatjie yinzalelwane yase Dikeni kwaNtselamanzi. Uqale ukudlala ibhola ekhatywayo eneminyaka esi-8 ubudlala. Iqela lakhe lebhola ekhatywayo yi Golden Arrows.
Ukanti uye wachongwa kwi Keyona Team Search ebhayi eWolfonson Stadium emva koko wazimanya nenkampu yeqela le Nedbank Ke Yona.

uAmanda Dlamini owayefudula eyi kaptein yeBanyana Banyana okwangumhlalutyi kamabonakude uphumelele imbasa iEstee Lauder Style Star of the year kwi Gsport Awards.
Ukanti udlalele iUniversity of Johannesburg, iDurban Ladies, i-Janine Van Wyk neqela lesizwe njengomdlali wasesiswini.

uBongani ngomnye weefolosi eziye zaziqaqambisa kule season ka 2016/17 afaka amanqaku angama-25 kwimidlalo ye ABC Motsepe League. Lomdlali we-EC Bees udlalele amaqela aquka i-African Warriors ne Jomo Cosmos. Uye wawongwa ngembasa yokuba ngoyena mdlali ofake amanqaku amaninzi. Iqela lakhe liye laphumelela imidlalo engama 23 laze laziintshatsheli ze ABC Motsepe League kwiphondo lempumakoloni.

Izikolo zoMzantsi Afrika kumaphondo awohlukeneyo zingenela olukhuphiswano olwaqala ngo 2010 nolujolise ekuphuhliseni ibhola ekhatywayo. Ukanti abaqeqeshi ngamaqala kwibhola ekhatywayo aquka uKhabo Zondo, Doctor Khumalo, Mark Williams, Phil Masinga, Siphiwe Mkhonza noTebogo Mokoena.
Lemidlalo iqala ngoAugust kodwa imidlalo yamagqibela kankqoyi iyakuba ngo October ngomhla 5-7.