Ar an gclár seo, bhí Barra Ó Scannláin ag caint linn beo ón bhFrainc faoi chomórtas na "Euros" 2016 agus an craic is spraoi a thug lucht leanúna fhoireann na hÉireann leo ansin, chomh maith leis sin chualamar ó Rankin Sherling ó acadamh míleata in Alabama agus é i nGleann Cholm Cille ag cúrsa Gaeilge le hOideas Gael agus grúpa 'cadets' óga in éineacht leis ansin.

Ar an gclár seo chualamar ó Eoin Ó Catháin i dtaobh an ionsaí uafásach a rinneadh in Orlando, Florida inar maraíodh tuairim is caoga duine agus faoi ainmniúchán Clinton agus Trump do rás uachtarántachta na Stát Aontaithe. Chomh maith leis sin chualamar ó Stephen Eustace as Baile Átha Cliath atá anois lonnaithe san Ísiltír, agus é ag caint faoi ghrúpa Gael atá tagtha le chéile sa tír anois agus faoina shaol féin ansin.

Ar an gclar seo chualamar ó Shéamus Ó Neachtain ó Chumann Charad na Gaeilge faoi "An Gael - Irisleabhar Idirnáisiúnta na Gaeilge" agus ó Chóilín Ó Dubhthaigh, iriseoir spóirt RnL faoin gcurachóir Jenny Egan a bheidh sna Cluichí Oilimipeacha in Rio de Janeiro go luath ar son na hÉireann agus faoi na Cluichí araon!

Ar an gclár seo, labhraíomar le Méabh Ní Choileáin in Washington DC atá ag teagasc na Gaeilge ansin ar scoláireacht Fulbright le beagnach bliain anuas agus a bhí ar chlár raidió Ryan Tubridy ag caint faoi le déanaí. Chomh maith leis sin d'éisteamar siar le hagallamh a rinne John Ó Liodáin linn tamall ó shin faoin mbliain a chaith sé féin ag teagasc na Gaeilge agus Stair na hÉireann i mBéising na Síne!

Ar an gclár seo, chualamar ó Bharra Ó Scannláin atá ag druidim i dtreo dheireadh a bhliana Erasmus i Lyon na Fraince faoin mbliain a bhí aige ann, lena chuid oibre is staidéir, leis an ionsaí ar Pháras agus aroile. Chomh maith leis sin labhair muid le Natália Danzmann as an mBrasaíl a bhog go hÉirinn anuraidh agus a thug faoin scrúdú Teastas Eorpach Na Gaeilge an deireadh seachtaine seo caite.

Clár speisialta de Fada Is Fairsing a bhí sa chlár seo le hagallamh leis an scríbhneoir agus blagadóir Réaltán Ní Leannáin faoin dá chónaitheacht scríbhneoireachta a dhéanfaidh sí le hAnam Cara i mBéire agus ceann eile san Ísiltír

Ar an gclár seo chualamar ó Eoin Ó Catháin a bhí sa Bhruiséil nuair a phléasc buamaí sa chathair in ionsaí sceimhlitheoireachta ar an 22 Márta. Chomh maith leis sin labhair Tomás Keys, Cathaoirleach Hospice Africa Ireland linn faoin obair a dhéanann siad in Uganda agus eile.

Ar an gclár seo, chualamar ó Mhaidhc Ó Riabhaigh as Learpholl faoin Reifreann a bheas ar siúl sa Bhreatain Mhór mí Mheitheamh ina vótálfaidh muintir na Breataine le fanacht in nó le himeacht as Aontas Eorpach nó an #Brexit mar is fearr aithne air sna meáin. Chomh maith leis sin chualamar ó Maeve Ní Chillín i mBeirlín atá ag obair le Conradh na Gaeilge Bheirlín faoi chuairt a thug Cumann Gaelach Choláiste na Tríonóide ar an gcathair agus ar mhuintir an Chonartha ansin le déanaí, agus faoin méid atá ar siúl d'Fhéile Naomh Phádraig ansin.

Ar an gclár seo labhraíomar le Scott De Buitléir faoin #EmigrantsManifesto ar chearta vótála na n-imirceach Éireannach inniu. Mhol Ed Davitt agus Barry Johnston, atá mar iarrthóirí do thoghachán an tSeanaid i mbliana, an forógra seo. Chomh maith leis sin, cloisfimid ó Pól Ferris as Nua-Jhersey na Stát Aontaithe faoi Lá Gaeilge ar fhreastail sé air i Nua Eabhrac ag an deireadh seachtaine agus faoi Olltoghchán Uachtarántachta na Stát Aontaithe.