Ar an gclár seo, bhí Cóilín Duffy linn le labhairt faoin gCorn Domhan Rugbaí agus na cluichí a bhí ag Éirinn sna seachtainí beaga anuas. Chomh maith leis sin chulamar cúpla mír ó Sheisiún Eolais a bhí ag Coimisiún Fulbright na hÉireann le déanaí in oifigí Foras Na Gaeilge faoi na deiseanna atá ann do dhaoine le Gaeilge le Fulbright- píosa cainte a rinne an t-Aire Stáit do Ghnóthaí Gaeltachta, Joe McHugh TD faoi chúrsaí Gaeilge sna Stáit Aontaithe agus óráidí ó iarscoláirí Fulbright Síle Concannon, a mhúin Gaeilge in Montana agus Oisín Ó Doinn, a mhúin in Minnesota.

Chualamar ar an gclár seo ó Brian Ó Broin faoin scaoileadh gunna in Oregon na Stát Aontaithe, óráid Obama ina leith agus na cúiseanna a bhfuil na dlithe gunna mar atá sa tír, Chomh maith leis sin labhair Barra Ó Scannláin linn atá ag déanamh bliana Erasmus i Lyon na Fraince faoi láthair faoin méid atá ar siúl aige thall.

Labhair Brian Ó Conchubhair linn ar an gclár seo faoi dhámhachtainí Fulbright atá ar fáil sa teicneolaíocht foghlama teangan in Ollscoil Notre Dame in Indiana na Stát Aontaithe. Chomh maith leis sin labhraíomar le Dan McDonald atá ag eagrú díolachán ealaíne do na teifigh in Calais agus sa tSiria a bheas ar siúl ar an 30 Meán Fómhair sa Workman's Club i mBAC agus bhí Siún Ní Cheallaigh ag labhairt faoin ngrúpa de mhúinteoirí tíreolais atá tar éis teacht le chéile chun acmhainní a roinnt agus cothromas a lorg mar mhúinteoirí Gaelscoile tíreolais.

Ar an gclár chualamar ó Mhairéad Nic Giolla Mhichíl faoin scoláireacht Fulbright TechImpact atá á déanamh aici in Ollscoil Notre Dame agus ó Shorcha Batchelor i dTeicseas faoina seal le hOideas Gael sa samhradh.

Ar an gclár seo, chualamar ó Karen Reshkin thall in Illinois faoi 'Na Gaeil' in Chicago a mbíonn sí ag múineadh Gaeilge leo agus eile agus ó Laura Ní Chathasaigh i gCuáit a labhair lenár dtuairisceoir Dylan Mac Réamoinn.

Ar an gclár seo chualamar ó Chris Herron i Vancouver faoina saol ansin agus faoin spéis ar chuir sé sa Ghaeilge agus é ar chuairt in Éirinn 3 bliana ó shin. Chomh maith leis sin chualamar ó Natália Danzmann a bhog go hÉirinn ón mBrasaíl ag tús na bliana faoin méid atá déanta aici go dtí seo-ó fhíseáin le Coláiste Lurgan go ComicCon!

Ar an gclár seo, labhair Caitríona Weafer aka. An Croí Ait linn faoin gcúrsa Gaeilge in Hollywood ar eagraigh sí féin agus daoine eile i gCathair na n-Aingeal, agus a bheas ar siúl ó mhí Lúnasa go dtí Mí na Samhna. Chualamar freisin faoin gcéad scannán Gaeilge a rinneadh, 'Oidhche Sheanchais' ó Bhrian Ó Catháin ó Ollscoil Mhaigh Nuad. Bhí an scannán ar iarraidh ar feadh blianta go dtí gur thángthas ar chóip de in Ollscoil Harvard in 2012.

Ar an gclar seo labhair me le Síne Nic An Ailí faoin mbliain a bhí aici i Missoula, Montana ar scoláireacht Fulbright agus ansin labhair Eoin Ó Catháin linn faoin ionsaí buama a rinneadh sa Túirc inné inar maraíodh 30 gníomhaithe óga agus faoi chás na n-inimirceach san Eoraip i láthair na hEorpa.

Ar an 84ú clár, labhraíomar le Aisling Ní Shírínn faoin mbliain iontach a chaith sí ar scéim ‎ICUF‬ i dTorontó anuraidh agus faoi na deiseanna iontacha a thug sí di. Chomh maith leis sin labhair Cóilín Ó Dubthaigh linn faoi Wimbledon 2015 agus cúpla gné spéisiúil a sheas amach faoin gcomórtas i mbliana.