Ba chlár speisialta é seo faoi na Oscars‬! Labhair Lisa, Eoin agus Lisa Madden, Clár Reachtaire RnL. Chomh maith leis sin chualamar ó Aralt Mac Giolla Chainnigh faoi Chomhdháil de chuid Comhaltais i Meiriceá Thuaidh a bheidh ar siúl i bParsippany 'Nua-Gheansaí' mí Bealtaine agus faoi Stráitéis 20 Bliain don Ghaeilge i Meiriceá Thuaidh a cuireadh le chéile le déanaí. Ar deireadh chualamar ó Mháirtín Ó Cillín faoi Lá na Líreachán/Lollipop Day a bheas ar siúl an tseachtain seo chun airgead a bhailiú don OCF- Cumann d'ailse an éasafagais. lollipopday.ie

Don 70ú clár, bhí clár lán, bríomhar againn! Bhí an bhean Bhrasaíleach-Ghaelach Natália Danzmann sa stiúideó linn ag labhairt faoin bhféile Carnaval sa Bhrasaíl agus chualamar agallamh a rinne sí féin le Cristóir Ó Faoláin a bhí ag cóisir Carnaval i mBaile Átha Cliath. Chomh maith labhair Eoin faoi scéalta móra idirnáisiúnta na seachtaine, cúrsaí eacnamaíochta na Gréige san áireamh agus labhair Lisa faoi Shiúlóid urraithe atá á eagrú sa Bheilg ag Cystic Fibrosis Ireland (breis eolais ag cfireland.ie). Ar deireadh, bhí Brían Ó hAirt linn ón suíomh Language Hunters linn ag insint dúinn faoin ngréasán iontach do chainteoirí mionteangacha atá á reachtáil in Oregon agus ar líne ar languagehunters.org

Ar an gclár seo de Fada is Fairsing, bhí Natalia Danzmann beo sa stiúideó linn tar éis di bogadh go hÉirinn óna háit dhúchais Sao Paulo sa Bhrasaíl. Chomh maith leis sin labhair iriseoir de chuid tuairisc.ie Maitiú Ó Coimín linn faoi thaighde a rinneadh ar chainteoirí na Breatnaise agus ar úsáid na teangan ar líne sa lá atá inniu ann. Ar deireadh, chualamar​ ​ó Mhichaeline Donnelly, atá mar Oifigeach Forbartha don Cheathrú Gaeltachta le Cultúrlann Uí Chanáin i nDoire faoi na ranganna Gaidhlige (Gaeilge na hAlban) a mbeidh siad á gcur ar fáil sa Chultúrlann go luath.