Ar an gcéad chlár den bhliain 2015, chualamar ó Edel Ní Churraoin ar as Londain di ó dhúchas agus atá lonnaithe i mBéal Feirste anois. Labhair sí linn faoin bpobal láidir Gaeilge atá sa chathair anois agus faoi ghnéithe éagsúla den chathair. Chomh maith leis sin chualamar ó Suzanne de Paor a chaith dhá bhliain ag obair i dTorontó, Ceanada agus atá anois tar éis filleadh ar Éirinn.

Anocht ar an gclár, labhair Eoin le beirt dá mhic léinn, Clíodhna Ni Dhufaigh agus Andrew Jackson, faoina dtaithí agus iad ag taisteal timpeall na cruinne. Tá Clíodhna ag tabhairt aghaidhe ar an Nua Shéalainn an tseachtain seo chugainn, áit a mbeidh a deartháir le pósadh agus labhraíonn faoin gcodarsnacht idir an dá thír. Anuraidh ghlac Andrew bliain saor agus chuaigh sé timpeall na tíre agus timpeall an domhain ag casadh ceoil. Tá sé ina bhall de dhá cheolfhoireann, agus idir an dá linn nuair a bhí coicís saor aige, bheartaigh sé dul go California lena athair, turas a chuir ar bhóthar na leasa é. Labhraíonn sé faoina thaithí agus é fillte ar Éirinn.

Ar an gclár seo, chuaigh muid go Ceanada le labhairt le Gus O' Gorman a bhog ó Ghaillimh go Montréal breis is 40 bliain ó shin agus le Aralt Mac Giolla Chainnigh a bhíonn ag cur na Gaeilge chun cinn ​in Ottowa agus timpeall ar Mheiriceá Thuaidh. Ina theannta sin, labhraíomar faoi scéalta idirnáisiúnta na seachtaine, ag díriú ar chás Michael Browne i​ ​bh​Ferguson​.​

Ag céiliúradh an 60ú cláir bhreathnaíomar​ siar ar na haíonna éagsúla a bhí againn sna cláir a bhí againn go dtí seo, phléamar staitisticí agus scéal an phobail leathain Gaeilge atá ar fud na cruinne sa lá atá inniu ann. Chomh maith leis sin, labhair Síle Nic Suibhne linn ó Dubai faoin obair atá idir lámha aici ansin ar son Bord Bia.

Ar an gclár seo bhíomar ag caint le Padhraig Mac Lochlainn a bhfuil a shaol caite ag déanamh éagsúlacht post ó shagart go múinteoir Gaeilge, in áiteanna ar fud na cruinne ó Zambia go Quebec, áit a bhfuil sé lonnaithe anois. Bhí píosa beag amhránaíochta ar an Sean-nós aige dúinn ar an gclár freisin! Labhair Eoin linn faoi chúpla ceann de na scéalta idirnáisiúnta is mó den tseachtain-pósadh Charles Manson agus an banríon áilleachta a fuadaíodh san áireamh.

Labhraíomar le Nicole Muller, Scoláire Fulbright Gearmánach-Mheiriceánach atá ag Ollscoil na hÉireann, Gaillimh dá scoiláireacht ag déanamh taighde is léachtóireacht ar chúrsaí Urlabhra agus Teangan, agus ar an Teangeolaíocht. Chualamar ó Ghearóid Breathnach freisin atá ag taisteal i Meiriceá Theas agus timpeall na cruinne ar feadh roinnt míonna, agus a bhí in Rio de Janeiro nuair a labhair muid leis. Phléamar roinnt scéalta móra idirnáisiúnta a tháinig chun cinn an tseachtain seo freisin.

Ar an gclár seo phléamar scéal na ndlithe gunna éagsúla agus na n-ionsuithe gunnaí is deireanaí i Meiriceá Thuaidh. Labhraíomar leis an iarshaighdiúr Aralt Mac Giolla Chainnigh faoi na hionsuithe a tharla i Montréal agus in Ottowa le gairid, agus chuir sé cás na Stát Aontaithe agus cás Cheanada i gcomparáid lena chéile dúinn. Labhair Brian Ó Broin, léachtóir sna Léann Éireannach agus sa Teangeolaíocht sna Stát Aontaithe faoin ionsaí gunna is deireanaí ansin agus athruithe ar dhlithe le gairid. Ar deireadh labhair Eoin faoi na toghcháin mheán-téarmacha atá ar siúl i láthair na huaire sna Stáit Aontaithe.

I gclár na seachtaine seo, tháinig Máire de Staic isteach chun labhairt linn ar an Stail Ghaelach agus ar scéalta idirnáisiúnta.

Labhair Siobhán Nic Fhlannachadha linn mar gheall ar an imeacht atá eagraithe aici don Satharn seo 25ú Deireadh Fómhair ina mbeidh sí agus a cairde ag déanamh Zumba ar feadh trí uaire chun airgead a bhailiú do dhá charthanacht, Óspidéal na bPáistí Crumlin agus Irish Horse Society.

Ag deireadh an chláir, thug Cárthach Bán Breathnach cuairt orainn agus chuir sé síos ar an gclú atá anois air tar éis don fhíseán ina bhfuil cairde leis ag bualadh bob air imeacht “viral”.

Ar an gclár seo d'Fhada is Fairsing, labhraíomar le Bláth de Búrca, a rinne an tríú sraith de 'Ó Tholg go Tolg' lena comhláithreoir Ciara Ní Bhroin. Thaisteal siad ar fud na hEorpa ag fanacht ar thoilg éagsúla, ag bualadh le daoine éagsúla agus ag déanamh rudaí as an ngnáth ar shaoire an-éagsúil ar thaifead siad gach cuid de! Labhraíomar le Seaghan Mac an tSionnaigh atá i mbun dochtúireachta sa Bhéaloideas faoi láthair agus a chaith dhá bhliain ag múineadh Gaeilge i Montreal,Ceanada. Chomh maith leis sin phléamar scéal an víris Ebola go dtí seo.