Sa chlár seo labhair Clár Johnston linn faoin ról a bheidh aici ag múineadh na Gaeilge ar son Fulbright Ireland i Minnesota ó mhí Mheán Fómhair ar aghaidh, bhí teagascóir Gaeilge de chuid an Irish Arts Center, Caoimhe Nic Giollarnáith ag labhairt linn faoin ionad féin agus faoin scannán a bhí á thaispeáint an oíche sin dar teideal

Ar chlár na hoíche seo, cloisimid tuairimí Mike Ravey i Learpholl Shasana faoi chuairt an Uachtaráin Éireannaigh ar Shasana agus faoi Ghaeil-Shasanaigh an lae inniu, labhraíonn Colm Duffin linn ó Cheanada le labhairt linn faoin Lá Dearg a bhí ag pobal Gaeilge Cheanada le déanaí mar thacú leis an bhfeachtas Dearg le Fearg /Lá Mór Gaeilge anseo in Éirinn agus ar deireadh cloisimid ó Shorcha Ní Mhealláin a scríobh alt (thíos) faoin nGaeilge is féiniúlacht na n-Éireannach thar sáile san Irish Times ag an deireadh seachtaine.

Ar an gclár seo, cloisimid ó Bhreandán Mac Ardghail a bheidh ag déanamh cainte ag an gcomhdháil TEDxFulbrightDublin a bheas ar siúl den chéad uair i mBaile Átha Cliath i mbliana agus á reachtáil ag Fulbright Éireann. Tuilleadh eolais ar an suíomh i nGaeilge agus i mBéarla ag TEDxFulbrightDublin

Ar an 35ú clár,chualamar ó phobail Ghaeilge éagsúla ón dá thaobh tíre de na Stáit Aontaithe. Labhair mé le Caitríona Weafer atá ag cur fuithi i 'gCathair na n-Aingeal' (L.A.) i gCalifornia leis na blianta i mbun mhúineadh na Gaeilge is go leor eile, faoin bpobal Gaeilge ansin is go leor eile. Ó Chósta an Oirthir ansin bhí Brian Ó Broin linn ag labhairt faoin gclár raidió atá idir lámha aige le roinnt Gael i gcathair Nua Eabhrac le déanaí agus atá á chraoladh ar Raidió Na Life.. Tuilleadh eolais faoi sin agus na cláir le cloisteáil ar na naisc seo! www.raidionalife.ie/amharc-as-nua-eabhrac soundcloud.com/search?q=amharc+as+nua