اظهار معاناتك في انجاز شغلك والامور اللي بتعملها

هيعكس مدي ضعفك او عدم ثقتك بنفسك وهيخلق مسافات بينك وبين اللي حواليك

دا غير ان بطريقة غير مباشرة ممكن تخلي الناس تصطاد اخطاء ليك من فراغ وبتعرف الناس ايه هي تركاتك ومصادرك الخاص بيك في الشغل

الكلام حل سحري في مواقف كتير انه يظهرك ويخليك تاخد اللقطة وتسلك مع ناس كتير، لكن الافعال هي بتبين اذا كان كلامك له قيمة او مجرد كلام، والافعال هي اللي بتخليك تكسب ثقة اللي حواليك

مهم اه انك تظهر امكانياتك وشطارتك علشان تقدر توصل لحلمك وتكبر والناس تقدرك.. لكن المبالغة في دا ممكن يوديك عكس الطريق.. علشان الناس ممكن تشوفه غرور وتملق .. وقتها هتخلق اعداء وحقد جوا الناس اللي حواليك

علاقتك بمديرك زي مشروع ديره بطريقة تنجحه وتكونو انتوا الاتنين كسبانين... العبها صح وقش في الوقت المناسب

مهم جدا ان يكون عندك خطط واهداف عايز تحققها، ومهم برضه انك تقسم الناس في حياتك لفئات من حيث القرب والثقة والصفة وحاجات تانية كتير، بس الاهم انك تكون عارف امتي تحكي وتقول ولمين وايه العايد من دا، وانك تعرف كمان تسيطر علي ملامح وشك علشان مشاعرك متكونش سبب اذاك.. في ناس بتدور وراك علشان تعطلك علشان متنجحش علشان متكونش احسن منهم.. اسمع الحلقة وانت تعرف كل التفاصيل والمفروض تعمل ايه..

صوابعك مش زي بعضها، ممكن الادب والاحترام طريق مختصر ومفتاح قلب اي شخص، لكن مش دا مش بيجيب نتيجة مع كل الناس، مهم جدا جدا تعرف دخلة كل واحد وطريقة تفكيره وشخصيته علشان تقدر تاخد وتوصل للي انت عايزه

فكرة انك تبني سور بينك وبين الناس مش هيحميك الا لفترة قصيرة جدا ومجرد سقوطه هيفتح عليك وابل من الاضرار ملوش اخر وساعتها هتكون اكتر واحد خسرت

المجتمع فيه نماذج سيئة لكن برضه مليان ناس كويسة جدا حاول تفتح الباب اللي قافله علي نفسك وجرب وقرب من الناس اللي شبهك وتكون مبسوط معاهم علشان تفضل عايش وسط الاحداث اللي هتخلي لك وجود وتأثير في الشغل

لو بتطلب خدمة من حد في الشغل لازم تفرق هي دي خدمة ولا حاجة واجب عالشخص يعملها

طب لو خدمة، هل كل مرة تطلبها لازم تتودد للشخص دا وتستعطفه وتفضل تفكره مثلا بالجمايل اللي انت مشيلهاله ؟ ولا لازم تبدء تظهرله المصلحة من ورا الخدمة دي و ايه العايد عليه بعدها.. كل دا هتعرفه في الحلقة الخامسة

ماتطلبش بالعطف ورد الجميل وكلم الناس بمصالحها

اتقان فن الغياب من القواعد المحورية في تأثير عالناس، هي ملكة مش هتقدر توصلها قاصد بس تقدر تستغلها بكل حاجة الناس تحبها فيك... لو مكنتش من الناس اللي في عدم وجودها بيفرق مع اللي حواليها .. يبقي الحلقة دي تهمك ...

السيط والسمعة في الشغل من اهم العناصر اللي بيخلوك تسلك وتعرف تتحرك بسهولة وتوصل للي انت عايزه.. هما العمود الفقري لظهورك ونحاحك .. ازاي توصلهم وتحافظ عايهم