Í þessum þætti fáum við til okkar einstaklega áhugaverðan gest, hana Guðrúnu Marínósdóttur, sem sameinar á einstakan hátt heim félagsráðgjafar, leiklistar, og myndlistar.

Guðrún er félagsráðgjafi, leikkona og myndlistarkona og í ár málar hún forsíðumyndina á tímariti félagsráðgjafa 2026.

Við ætlum að ræða um lífið, listina, félagsráðgjöfina og tengslin þar á milli og hvað það er sem myndlist getur stundum sagt okkur án orða.

Í þessum þætti ætlum við að ræða félagsráðgjafanám við Háskóla Íslands, þróun þess og framtíð.

Hvernig eru félagsráðgjafar menntaðir fyrir sífellt flóknari verkefni í samfélaginu? Hvers vegna eru starfsréttindi nú bundin við meistaragráðu?

Hvaða hæfni þarf félagsráðgjafi framtíðarinnar að búa yfir og hvernig tryggjum við að námið haldist í takt við þarfir samfélagsins?

Gestur minn er Hervör Alma Árnadóttir, deildarforseti Félagsráðgjafardeildar Háskóla Íslands.

Í dag ætlum við að fara beint í eina stærstu umbreytingu sem er að eiga sér stað í þjónustu við börn og fjölskyldur á Íslandi.

Við ætlum að tala um farsældarlögin og hvað gerist þegar þau eru ekki bara orð á blaði heldur lifandi verkfæri í daglegu starfi.

Við ætlum einnig að kafa dýpra í "signs of safety", nálgun sem snýr að því hvernig við hugsum um ábyrgð samtala og lausna.

Spurningin er einföld en svarið er það ekki. Getum við í raunverulega breytt kerfinu eða erum við enn föst í sama fari?

Gestur okkar í dag er Páll Ólafsson, félagsráðgjafi, með meira en 26 ára reynslu að vinnu með börnum og fjölskyldum bæði á vettvangi og innan kerfisins.

Velkomin í Félagsráðgjafahlaðvarpið.

Það eru ákveðin tímamót í miðlun og sýnileika hjá okkur, því með því að hefja hlaðvarp í hljóði og mynd þá erum við farin á nýjan vettvang.

Við viljum opna lifandi samtöl um fagið, fólkið, áskoranirnar og framtíðina.

Við erum líka að opna alveg nýja leið í fjölmiðlun félagsins með því að dýpka viðtölin í tímaritinu okkar og gefa lesendum kost á að skanna inn QR kóða sem fylgja með greinunum og senda viðkomandi beint í þáttinn.

Það er viðeigandi og ánægjulegt að fyrsti gestur okkar sé formaður félagsins, Steinunn Bergmann.

Í þessum fyrsta þætti ætlum við að ræða stöðuna hjá félaginu, faglega og kjaralega, og verkefni ársins og hvert sé stefnt, en einnig að kynnast manneskjunni á bakvið hlutverkið.