Jóannes er aftur, og hann hevur nógv á hjarta! tað verður práta um 25'inda umfarð. Andorra er tað lægsta man kann søkka til sum fótbóltstjóð, grátikórið í Føroyum skulu konsentrera seg um fótbóltin og tað var um reppið, at KÍ kundi keypa alt HB, NSÍ og Víkinga liðið, um teir høvdu vunni á Dundalk. 

Jóannes is back! 

Fótvarpið hevur fingið nógvar fyrispurningar um at viðgera Premier League, og nú eydnaðist tað endiliga. Vit tosa um spælarakeyp, hvør fer at vinna PL, hvør verður besti leikari og mangt annað. Tað bar ikki til at fáa Jóannes at práta um PL. Tí máttu vit út at finna gestir við sterkum meiningum. Til alla góða eydnu funnu vit tveir gullklumpar og bjóða Julian Joensen og Magnus Ovason vælkomnan í Fótvarpið.

Er U18 liðið hjá HB í 2015 eitt tað besta í ungdómsfótbóltinum í Føroyum nakrantíð? Vit lata avgerðina verða tykkara. Eitt er tó sikkurt og vist - tað er eitt øðiligt ættarlið HB hevur dyrkað. Ikki er tað óhugsandi, at onnur ættarlið kunnu berjast um heiðurin sum besta nakrantíð, men so mugu tit koma við einum betri boði.

OBS - ljóðtøkni hevur halta hendan partin. Tað verður fixa til næstu ferð - OBS

Vit bjóða amnesty til dugnafólkið Trónd Vatnhamar í Fótvarpinum, tí her eru vit avgjørt inhabilir. Jóannes broytir eisini meningin og velur at geva Fríða rætt - KÍ er favorittur til meistarheitið. 

Hallur og Jóannes práta um teirra tíð saman á landsliðnum. Eisini verður práta um framtíðina hjá tí núverandi landsliðnum, og at enda verða Hallur og Jóannes quizzaðir! 

Samanumtøka av landsdystunum hjá føroyingum móti Malta og Andorra. 
Hvør var besti leikari, hvat var positivt yvirraskilsi, hvørjar støður fara vit at minnast aftur á osfr? 

Fótvarpsvinurin Hallur Hansson er aftur komin á vitjan í Fótvarpinum. Vit hava eitt serligt tema til 1. part - hvussu tað føroyska landsliðið hevur ment seg síðan 1988 til 2012, tá Hallur og Jóannes fáa sína debut á landsliðnum sum ávikavíst leikari og hjálparvenjari. 
Hallur er ein leikari, sum veruliga hevur sett sítt dám á føroyskan fótbólt og er ein verulig fyrimynd fyri nógvar ungar leikarar, ið droyma um gjøgnumbrot í útlendskum fótbólti .. tað er ikki óhugsandi, at Jóannes merkir hetta, tí tann ófiltreraði Jóannes hevði nøkur vísdómsorð at fortelja í hesu sending.

Um tú vart ein fótbóltsguður og kundu gera nýggjar reglur ella skerpa skipanini í fótbóltinum - Hevði tú broytt nakað?

Hoyr hvat Jóannes og Fríði halda um hetta. Teir hava hvør sær gjørt 3 ynskir hvør um, hvat teir halda burdi verið øðrvísi í skipanini og/ella reglunum í fótbóltinum.
Eisini práta Jóannes og Fríði um tey flottu Europa League úrslitini, og práta eisini um non-dystin í Klaksvík.

Nåh ... Ætlanin var, at tað skuldi verða eitt lítið prát um farna umfarð, men vit endaðu í eitt stórt prát um Føroyskan fótbólt sum heild, fíggjarlig incitamentir osfr. Sum lurtari verður man tó ikki snýtt/ur fyri okkara roks um farna umfarð.

Hvør hevur verið bestur málverji, verjuleikari, miðvallarleikari, áleypari, venjari, stjørnuskot, skuffilsi/sjit og yvirraskilsi í Betri deildini higartil í ár?

Hoyr metingina hjá Jóannes (og Fríða) í sendingini. Fótvarpið hevur hildið summarferiu, so Jóannes og Fríði høvdu nógv at innheinta í hesu sending. Fríði merkir hundasjúkuna, nú Arsenal vunnu FA Cup dagin fyri, men Jóannes brillierar eins og áður, og fær hildið Fótvarpið koyrandi.