1698135

Altjóða Rúmdarstøðin er í ringrás um jørðina áleið 425 kilometrar yvir jarðarskorpuni. Tað eru fimm altjóða rúmdarsamtøk úr 15 londum, sum reka rúmdarstøðina.

Fyrstu lutirnir vórðu sendir upp í 1998, og hon hevur verið mannað síðani november í 2000.

Støðin er ein royndarstova í vektloysi, har náttúruvísindi, gransking og menniskjalig nýmenning skapa tøkni og frambrot, sum ikki eru gjørlig á Jørðini.

Danin, Andreas Mogensen, hevur tvær ferð vitjað Altjóða Rúmdarstøðina. Fyrstu ferð í 2015, tá hann var 10 dagar á støðini.

Seinnu ferð var í fjør og í ár, tá hann var partur av SpaceX Crew 7-manningini.

Við sær hevði hann ymsar lutir úr kongarríkinum. Eitt nú Merkið og eitt slips hjá Williami Heinesen.

12. mars kom hann aftur á Jørðina, og nú er hann í Føroyum.

Saman við honum eru eisini umboð frá DTU Space. Teirra millum David Arge Klevang, sum sær stórar møguleikar í tú, at Føroyar gerast partur av rúmdarvirkseminum.

At smíða rúmdarferjur kann á ein hátt samanberast við at smíða skip. Tað er stál og sveising.

Jóhan Mortensen, sum eigur sín stóra lut í, at henda ferð er komin í lag, leggur aftrat, at nú hava vit í mong ár bygt áttamannafør. Hví ikki nú flyta okkum til at byggja rúmdarfør, spyr Johan Mortensen.