D'lescht Joer sinn d'Biergerinnen an d'Bierger vun dësem Land nom Luc Frieden sengen Ukënnegungen zur Rentereform an der Ried zur Lag vun der Natioun en masse géint hien an d'Politik vu senger Regierung op d'Strooss gaang. Sondage no Sondage verliert hien zanterhir, a mat him seng Partei a seng Regierung, un Zoustëmmung. Wéi d'lescht Joer kommentéiert den Denis Scuto an sengem Fräie Mikro den Etat de la nation 2026.

D’lëtzebuergesch Schoul setzt zanter Joren ëmmer méi op formativ Bewäertung a Feedback amplaz op reng Selektioun duerch Noten. Besonnesch am Secondaire stéisst dës Approche awer ëmmer nach un hir Grenzen.

Well trotz Remediatiounen, Feedback a Verbesserungen bleift fir vill Schüler virun allem d’Endnote relevant. Dobäi verschwannen déi korrigéiert Prüfungen – an domadder och e wichtegen Deel vum Léierprozess – emmer nach an den Archiven. D’Fro stellt sech also: Wéi vill “making learning visible” bleift eigentlech iwwreg, wann um Enn virun allem d’Zuel um Bulletin zielt? E fräie Mikro iwwer léiere Léieren vum Jean-Luc Thill.

E Bündnis vun Esoteriker, Verschwörungsideologen a rietsextremen Influenceren — fir e gestrante Buckelwal an der Ostsee. Wéi konnt et dozou kommen, a wat seet et aus iwwer den Zoustand vun eiser ëffentlecher Debatt? Iwwerleeungen dozou am Fräie Mikro vum Bob Reuter, President vun AHA Lëtzebuerg.

D’Zuele vun de Leit, déi ouni Autorisatioun an d’EU areesen, gi kontinuéierlech erof. Net well manner Leit op der Flucht wieren, mee well d’EU an hir Memberlänner de Wee fir eran ëmmer méi schwéier maachen. Repressioun eleng, ouni alternativ Immigratiounsméiglechkeeten, bleift kuerzsiichteg Politik a stellt keng nohalteg Léisung duer, mengt de Frank Wies, Affekot a Mënscherechtsaktivist, a sengem Fräie Mikro.

Respekt a Toleranz op där enger Säit, Haass an Ufeindungen op där anerer Säit, eis Gesellschaft weess mat Momenter net méi, wéi si eist Zesummeliewen harmonesch gestalte soll. Munch Initiative si wuel gutt gemengt, mee si bréngen eis net ëmmer weider, mengt de Journalist an Auteur Laurent Moyse a sengem Fräie Mikro.

De Viktor Orban mat senger illiberaler Demokratie gouf bei de Parlamentswalen an Ungarn ofgewielt. Och vis-à-vis vum US-President Donald Trump traue sech ëmmer méi westlech Politiker an och de Poopst Leo XIV., him entgéintzetrieden. De Michel Pauly, Historiker a Mataarbechter vun der Zäitschrëft forum, bedauert, datt zu Lëtzebuerg weder d’Kierch nach d’Regierung sech trauen, sech vum Trump a senge Schüler ze distanzéieren.

Lëtzebuerg stellt sech gär als Virbild duer. E klengt Land, oppen, räich a multikulturell. Leider gëtt eng Gesellschaft awer net un hirem Image gemooss, mee un hiren Divisiounen. Beim Walrecht bleift Lëtzebuerg méi wéi jee an zwee gespléckt, mengt d'Laura Zuccoli am Fräie Mikro.

E Phenomen, dee bei de Leit ëmmer méi fir Onmutt suergt, sinn déi elektresch Trottinetten, déi méi oder manner legal zirkuléieren. D’Reglementatioun ass kloer. Mee d’Verhale gesäit oft net dono aus. Dee éischten ass vir, „me first“ ass den einfache Wee, deen der vill fir sech entdeckt hunn. Et ass awer leider kee séchere, och net fir d’Allgemengheet …, mengt d'Isabelle Medinger, Direktesch vun der Securité Routière.

Viru Kuerzem gouf déi 10. Editioun vum Democracy Report vum V-Dem Institut vun der Universitéit Göteborg verëffentlecht. Déi dréchen Zuelen a Statistike vum Democracy Report weisen, wéi dramatesch a Gefor e Modell ass, deen an eise Géigenden als eenzeg richtege gëllt. E Fräie Mikro vun der Simone Beck, der Presidentin vun der Lëtzebuerger UNESCO-Kommissioun.