Framework Conversations

Pou anpil nan nou mwa desanm se mwa pou nou evalye rezolisyon ke nou te pran pou ane sa, gade kiyes ladan yo, nou rive reyalize, kiyès ki pa lwen reyalize ak ki lòt pami yo ou pap gentan reyalize pou rès ane a.

Majorite nan nou Toujou gon eksplikasyon pou chak sak rive nan lavi, pou chak desizyon ke nou pran, chak pawòl ak aksyon ke nou poze etc...

Pou kèk moun, pa rive reyalize yon rezolisyon kel te pran son echèk, e tout moun pa dijere yon moman echek menm Jan e se pa tout moun tout ki ka rive kenbe tout Bon sans ak Bon konprann li pendan period echek yo e pou ta menm rive fè siksè. Lidè Ki pratike yon modèl lidèship ki santrel sou moun gen ase kapasite poul konprann ke li nòmal siw echwe, paske pa gen okenn echek ki son fatalite!

Anpil moun konsidere echek kòm yon fatalite, e son mo ke anpil moun evite prononse Paske pou yo echek pa gen anyen pou wè ak siksè donk yo deside rete lwen mo sa.

Kitem diw jodia ke, echek pa yon fatalite, ni chek pa ka anpechew fè siskè lèw trè detèmine, lew konsistans ak lew ouvri pouw resevwa bon jan feedback ki objektif... Piyès moun pata sipoze gon etikek dechwe jus paskel eksperimante echek youn ak plizyè fwa nan aktivite ke lap mennen.

Mwen menm, ou menm ak anpil lot moun ankò; a yon moman nan lavi oswa nan aktivite ke nap mennen te eksperimante echek; se vre gen nan nou ki fè eksperyans Lan yon sel fwa e konsa tou gen moun kifèl plizyè fwa deja.

E pou anpil nan nou, moman echek yo konn afekte vi pèsonèl oswa profesyonèl nou e mwen pa yon eksepsyon nan reg la.

Souvan echek nou yo vini aprè chwa ke nou fè epi desizyon ke nou pran men anpil fwa tou nou echwe se parapò ak risk ke nou pran, e se youn pami anpil lot rezon ki fè kek moun Pè pran risk jus pou yo pa echwe.

Refleksyonm nan epizod sa se poum diw ke: siw Pè pran risk sa vle di kew poko prè pouw grandi e siw poko prè pouw grandi sa vle di gon pakèt domèn nan laviw kew pa prè pouw amelyore....

Souvan nou pa deside bay tet nou yon Chans pou nou vin moun ke nou swete ye a jus paske nou Pè echwe or nou panse lap pranw plis tan si rekomanse olye ke nou wè kantite posiblite pouw pi byen fè sa wap fè a siw ta rekomanse.

Majorite nan nou celebre epi pran kom modèl anpil lidè, selbrite ak antreprenè ki rive fè gro siksè nan lavi yo ak lavi biznis yo, e pi souvan se siksè a yo prezante nou, yo pa Toujou rezime tout peripesi ke moun sa yo pase avan ke yo rive kote ke yo a jus paske anpil moun toujou vle disosye difiklte ak echek de rezilta ke nou rele siksè a.

Mwen vle raplew ke narativ yo change parapò ak epok epi sikonstans yo,

sa ki konn rann li trè difisil pou anpil nan nou di tet nou ke mwen pa bezwen pafè poum komanse men pito mwen dwe komanse jodia poum vin pafè demen. Mwen pataje avew 6 aksyon kew ka pratike lew fè fas ak situation echèk. 1- Pran yon tan pouw raple tet ou poukisaw te komanse.

Rezon sa ki te fèw chwazi komanse sa wap fe a; Esiw vle kontinye ou pa sipoze pedi koneksyon sa.

2- Pran tan pouw fon yon rezime tout move desizyon kew te pran pandan prosesis la, pa pouw ka jije tet ou ni aksyonw yo men pito pouw sa gon pi Bon konpreyansyon de poukisaw te fè de chwa konsa. Men kitem diw: toujou sonje sa; pa gon moun, pa menm yon sel ; ki rive akonpli gro Bagay sanl pa charye deyel: moman difisil, santiman dekourajman, youn oswa plizyè echek, yon kantite fwa preske endefini kel te oblige rekomanse ak chanje estratejil pandan tout prosesis la...

Donk lew ap fè fas ak Moman sa yo nan kous paw la, sonje ke gen moun ki pase etap sa yo deja eki prè pou tandew epi baw konsèy, sonje ke Lew echwe pa vle di kew pap rive fè siksè Nan sa wap fè a men pito son okazyon pouw konprann ak preparew pi byen pou siksè kap gen pou vini an. Les Brown: “Anything is worth doing is worth doing badly.

Anything is worth doing right if you know how to do it but otherwise you have to do it badly until you get it right”. Sonje abone ak chanèl nou an pouw ka rete konekte ak nou epi gen tout denye epizod yo.

Nan epizod sa Germinie pale nou de eksperiyans li Ak maladi (patoloji) sa pandan plizyè ane, yon eksperiyans ki rive koze divòs li avanl te geri de maladi a. Germinie eksplike nou tou rezon ki pousel kreye Vlog ki rele « @Liberekèw » ki disponib sou pifò media an liy yo sou non: @liberekew ! Liberekèw son platfòm tou ki bay asistans Ak moun kap Viv ak patoloji sa, platfòm Liberekew ofri ankadremanl Ak moun sa yo nan lide pou ede yo konprann kisa maladi aye epi ede yo venk depandans Afektif la. Nan menm epizod sa Germinie pataje ak nou kek endis ki ka edew konprann byen bonè Siw nan eta depandans Afektif ou pa. Pandan tout Epizod la nou pataje kek astis avèw kap edew fè diferans ant lè se estim deswaw ki ba Ak lè wap fè fas reyalman Ak yon Depandans Afektif. Nan epizod sa nou pataje 5 sou 8 endis kap edew konprann byen rapid siw nan yon Depandans Afektif, men wap ka li res 3 yo sou paj @liberekew la sou platfòm tankou: Instagram, Twitter, Facebook Ak YouTube. Sonje pataje epizod sa Ak yon zanmi paske ou pa janm konnen ki diferans li ka fè nan lavil. Ou ka voye kesyon pou nou, ou ka kite komantè pou nou sou platfòm ke wap tande epizod epi sonje abone Ak chanel « Framework Conversations » sou nenpot platfòm kew Renmen tande podcast pouw ka gen tout denye epizod nou yo. Pa janm bliye sa :  « Fasonw jere tanw se mod lavi wap genyen, donk reflechi Ak janw jere tanw ni Ak kiyes wap pase tanw ».

Nan epizod Davidson ak sikològ Natacha, gade koz sa yo Ki ka rann yon moun pa gen konfiyans nan tet li, kisa konsekans yo ye lew pratike yon atitid konsa epi Koman yon moun ka aprann devlope konfiyans kel gen nan tet li. Gen konfiyans nan tet Ou oswa nan model moun kew ye a son konstwi, li pa vini otomatik paske pouw aprann oswa reyaprann gen konfiyans nan tet, dabò fòw konsyans de pwoblem lan, aksepte mande èd ak moun Ki ka edew epi gen volonte pouw swiv tout etap yo. Pran abitid di tet Ou pawol Ki pozitiv, felisite tet Ou pou chak efò kew fè, dakò kew egziste pouw akonpli anpil gro bagay ,ke laviw ka sèvi a yon pi gro eritaj ke viv epi mouri... Lèw renmen tet Ou, Ou konsyan de feblès ou, pandan wap travay pouw amelyore saw genyen kòm kapasite Sa ap eveitew tonbe nan piyèj lòt moun ki ta ka vle fèw santi kew pa vo anyen , lè yo ta vle diminyew oswa diminye travay ou. Anpil fwa kòm lidè, responsab etc... ou konn gen enpresyon ke wap mennen yon lit ki Preske enposib nan fason moun wap lid yo reyaji parapò ak enèji, pasyon epi volonte kew genyen pou koz komum sa e souvan li difisil pou nou poze tet nou kesyon Koman moun Sa yo ke nap lid la la wè tet yo? Eske yo gen konfiyans nan tet yo? Eske yo konprann ak konnen ke yo vo plis ke pawol mechan oswa move tretman ke yo te konn ap sibi? Si group moun Sa yo pa rive nan nivo konsyans sa epi aksepte verite sa yo lap toujou trè difisil pou nou kòm lidè, responsab etc... Rive fè yo chanje lavi epi Patisipe nan yon chanjman global. Sonje ke lew manke gen konfiyans nan tet Ou nan kalite moun kew ye a sa ap gen gro konsekans negativ sou karyè pwofesyonèl Ou nan milye travay Ou... Sonje toujou pataje epizod wap tande a ak yon zanmi paske li ka fè yon gro diferans nan lavil e pa bliye Ou ka abòne ak chanel podcast la sou nenpot platfòm kew renmen tande podcast 🙌🏽🎧.

---

Send in a voice message: https://podcasters.spotify.com/pod/show/davidson-jules/message

Support this podcast: https://podcasters.spotify.com/pod/show/davidson-jules/support

Avèk Guersye Beine, kotch espirityèl nap chèche konprann kisa travay yon kotch de vi or kotch espirityèl ye? Aki moman nan lavi, yon moun ap konnen kel bezwen èd yon akonpaniatè? Diferan espesyalite ki genyen nan mond kotchin lan? Enpòtans yon kotch nan lavil? Se tout kesyon sa yo nou pral eseye eklèsi ak kotch espirityèl Guersye nan epizod sa. Nou pale tou de misyon Guersye kise rive touche 15 Milyon moun nan travay li ak pos li yo sou medya sosyal yo kotel ap pwone Pozitivite, chanjman, yon vi ekstraòdinè ak lanmou nan tout esans li... Nou pale de lidè sa yo ak moun Ki gen enflyanse yo sou Guersye epi enspirel poul kontinye vanse ak misyonl. Nou sitou raple nan epizod sa ke slogan ale nan lot nivo a pa sinifi kew ap sot nan nivo 1 pou ale nan nivo 2 etc... Ale nan lot nivo a pou nou, se edew travay sou tet ou chak jou pou moun kew te ye yè a, diferan de moun ou ye jodia, moun kew ye jodia pa menm ak moun wap ye Demen an. Ale nan lot nivo a se tout yon pwosesis kote ke chak jou wap travay pouw vin yon pi bon vèsyon de moun kew ye jodia. Kitem diw ke lojik ale nan lot nivo a pa gen pran daso paske se tout yon pwosesis donk pouw grandi epi vin moun kew vle ye a pandan tout pwosesis la wap bezwen swiv tout etap yo. Objektif sezon 3 sa se pou atire atansyonw sou enpotans sante mantal Ou, pou yon bon jan senkwonizasyon ak sante fizik ou paske nan ka kontrè lap difisil pouw rive atenn ak akonpli objektif ou yo.... gen kontrol sante mantal Ou se admèt pouw aksepte mande èd lè Sa nesesè pandan kous la, paske menm jan li vini natirèl pouw gon bon zanmi Ebyen gen angajman ou pran nan lavi li plis ke konseye pouw gen yon mentò, yon akonpaniatè, yon moun kew ka vire vè li lè moman konplike sa yo rive e mwen ka garantiw ke moman sa yo ap rive. Menvitew tande tout epizod la pouw ka aprann plis sou Kiyes envite a ak kisa lap regle, san bliye gid de 3 etap kel pataje avèk nou pou edew konprann kilè Ou dwe fè apèl ak yon akonpaniatè nan laviw. Pa bliye pataje saw sot tande a ak yon zanmi ou pa janm konnen ki diferans li ka fè nan vil! E sonje abòne ak Framework conversations sou tout platfòm kew renmen tande podcast. Mèsi!

“Lè Sitwayen yo rive jwenn ekilib mantal yo, sa pèmèt nou gon sosyete ekilibre lè sa nou rive pi byen fonksyone youn ak lòt”. Nan epizod ansanm ak Sikològ Natacha Desir nou eseye defini kisa Sikoloji a ye antanke siyans, enpotans li nan sosyete a, kisa ki travay yon Sikològ ak diferan espesiyalite ki liye ak domèn Sikoloji. Nou wè ansanm kek nan rezon kifè yon moun ka bezwen wè yon Sikològ men sitou eseye etabli diferans ki genyen ant yon Sikològ ak yon Sikiyat. Nou pale tou de travay Natacha kòm ankadrè Timoun depi 5 lane pou yon òganizasyon kap travay nan sa ki gen pou wè ak edikasyon epi lit kont Restavèk Timoun nan peyi a... Men Nou pale de lidè sa yo ki gen gwo enpak nan lavil eki kontribye nan moun li ye jounen jodia. Natacha pa selman Sikològ, li se manman yon ti gason 1 lane, e pandan kelke minit Natacha te pataje avek nou, komanl pare poul enstwi ak enkilke pitit gason sa valè familiyal-edikativ ak moral depi nan pi jèn aj li. Kitem raplew’ sa, Ou Ka Gen Tout Konesans Ak Konpetans Posib Men Si santé Mantal ou pa Anfom, Siw Pa Ka Jere Ekilib Laviw Lap Trè Difisil Pouw’ Inisye Chanjman sa Kew’ Vle Komanse a Ak Rive Enpakte Lavi Lot Moun. Se Sak fè Nan Epizod sa, nou vle atire atansyonw’ sou enpotans santé mantal ou nan pwosesis pouw’ ale nan lot nivo a; enpotans pouw’ gon bon senkwonizasyon ant sante Fizik ak Mantal Ou. Nou vle ankourajew’ priyorize sante mantal Ou osibyen kew’ priyorize yon anpratisaj San kanpe pandan tout pwosesis la, paske ofinal youn pap byen fonksyone San lòt! Menvitew pataje epizod sa ak yon zanmi oswa yon group zanmi paske ou pa janm konnen ki diferans sa ka pote nan lavil, raplel ke li enpotan pou ou etc... Sonje abòne ak Chanel podcast sa sou nenpot platform kew renmen tande podcast pouw ka pa janm rate okenn nan denye epizod nou yo! Kitem raplew sa, Santé Mantal Ou osi enpotan ke tout lot bagay kew trouve ki enpotan pou ou; al wè yon Sikolog pa gen anyen mal nan sa, okontrè Siw gen ti dout se pi bon chwa kew’ te ka fè pou yon byennèt total...

Epizod sa son rezime de tout Sak pase nan sezon 2 a , ki pale de diferan gès nou te resevwa ak diferan sijè nou te trete nan diferan epizod nou yo epi pataje omwen yon konsèy avew ke nou kwè kap itil ou nan pwosesis ou ye a. Li posib pou se ou ki gen kontwòl evenman yo nan laviw olye ke se evenman yo kap kotwole laviw! Anpil fwa sikonstans yo konn vle ba nou enpresyon kel mye poun kite ke se evenman yo ki gen kontwòl lavi nou olye ke se nou ki gen kontwòl evenman yo nan lavi nou. Nan yon situation parèy sel mwayen pouw chanje sa se mete tout pwaw nan balans lan pouw reprann kontwòl pansew, bay laviw yon lòt direksyon pandan wap rete fokis sou sa kise objektif ou nan kous la. Sonje poukisaw te komanse chak fwa ke evenman yo vle pran kontwòl laviw, toujou raplew ke siw son spektatè nan laviw posibilite pouw rive atenn pwojèw yo ap Preske enposib men kòm aktè nan sèn laviw pwojèw yo gentan reyalize a mwatye....

Li paret fasil pouw pale oswa ekri sou sa ki gen rapò ak lidèship men Sè pa yon bagay Ki toujou fasil pouw asime kapasitew antanke lidè.... Mrenmen repete souvan ke Lidèship nan limenm son bagay ki kontekstyèl, e pakou nou nan pwosesesis la kom lidè gon fom sinizoyidal e poutèt sa lidè yo dwe toujou ap evalye tet yo parapò a moun yo te ye avan e moun yo vin ye jodia.

Menm Jan laviw gen enfliyans sou antouraj ou, se menm Jan an vi paw ap rive enfliyanse pa tout sa kew bay pèmisyon pou antre nan laviw; e yo kapab se moun kew pase anpil tan ak yo; mizik ke wap koute; liv kew li etc....

Eksperiyans aprann mwen ke chak etap, chak sezon nan pakou yon lidè vini ak nouvo défi e nouvo défi sa yo pral revele model lidèship Ou epi metew faskare a fos epi febles ou; donk antanke lidè, li plis ke enpotan pouw toujou ap evalye moun ou ye epi kontinye grandi nan bon sans lan... Mwen vle pataje 3 valè ke lidè sa yo aplike nan model lidèship ke yo devlope ak antouraj yo:

1-Lidè sa yo, kwè nan fome lòt moun, ede yo devlope talan ak kapasite yo nan pi wo nivo a. Yo plis konsidere tet yo kom yon kotch pou moun sa yo, olye de yon bouro.

2-Lide sa yo, rekonet ke strateji son kantite ide kew genyen san resouzimèn, rive ekzekite bèl ide sa yo se sèl diferans ki egziste ant posibilite ak reyalite.

Lidè sa yo, konprann ke tout gro akonplisman yo rive fè pa selman rive jus paske yo te gen bèl ide; men sa rive paske yon moun te pran bèl ide sa yo epi enspire lot moun ak yo.

3-Lidè sa yo, envesti nan siksè chak grenn manb ekip yo, Yo pa janm rate yon okazyon pou yo pale, ak selebre lavi epi mentore manb ekip yo.

Daprè anpil gro ikón nan mond lidèship la, lidè ki rive atenn plis objektif, lidè ki champyon nan kous la, rete grave nan memwa kom lidè ki envesti plis nan moun; paske statisk montre ke 80-90 % fwa lidè yo pa janm aji pou pwop entere yo m’en pito nan enterè majorite a.

E Pou chak objektif atenn , lidè Sa yo toujou préféré atribye siksè rezilta sa yo nan kad yon aksyon kolektif, yon travay dekip olye de yon reysit pèsonèl. Pemet mwen pataje avew 3 karakteristik kap edew konprann epi rekonet lidè sa yo, ki aplike yon model lidèship kote ke nwayo lidèship li se enpotans li bay moun de fason jeneral.

1-Lidè sa yo pa janm abandonné kous la, esperans yo toujou high level; yo toujou rete focus sou sa kise objektif yo e nenpot Jan situation an oswa sikonstans lan ta difisil road map la pap chanje.

Mwen sur kew konn yon moun konsa nan antouraj ou!

2-Lidè sa yo gen bon jan kapasite pou yo fè diferans ant sa ki son angajman ak yon senp desizyon. Yo gen kapasite pou yo li ak defini chak green manb ekip yo parapò ak aksyon ke moun sa yo poze epi pawol ke yap pale.

3-Lidè sa yo gen kapasite pou yo wè talan kache lakay lòt moun; epi pemet moun sa yo akonpli anpil gro bagay ke yo pat menm panse ke yo te gen talan pou sa. Mpa vle diw ke lidèship son bagay Ki senp e vi yon lidè son bagay Ki fasil paske lidèship menm jan ak anpil lot domèn mande anpil disiplin, imilite, onètete... Sonje sa, lidèship son domèn Ki frajil anpil, paske antanke lidè ou gen kapasite pouw konvenk epi pouse moun aji nan bon ou nan move sans lan , e anpil lidè chwazi itilize kapasite sa pou yo manipile lot moun, tire pwop avantaj yo epi abandone yo nan kous la.

Yon pratik konsa pap janm mennenw a yon viktwa définitiv m’en pito a yon viktwa pasajè pandan kous la, e onètman antre nou Mpa kwe ke se mod eritaj sa yo ou swete kite kom lidè. Mwen ankourajew rewè enpotans kew te bay moun nan model lidèship ke wap aplike, paske swivan eksperyans mwen, gen kek moman nan pwosesis la dout pral gen poul vle pran kontrol aksyon ou yo e lè moman sa yo prezante mwen surrrr ke siw te byen envesti nan moun, siw te pran pouw t yon kotch pou manb Ekip ou olye de yon bouro, mwen garantiw ke envestiman sa yo kew t fè ap tounen vin jwenn Ou; vin jwenn kominote a sou plizyè fòm, men sitou wap franchi etap difisil sa wolamen jan pawol la repete a.

Semèn sa nan Framework conversations, nou te gen chans chita pale ak jounalis / antreprenè Dieuvela Bien Aimé kise CEO Dieuvela Store. Chita pale sa de fokis sou eksperiyans li kòm antreprenè; sou diferan difikilte ke li rankontre nan fè biznis, men sitou gade kisa ki edel simonte difikilte sa yo , rete fokis epi pèmèt ke li kontinye avanse.

Nan epizod sa, Dieuvela pataje ak nou 6 pami anpil lòt valè ke li panse ke moun kap fè biznis dwe entegre (enkòpore) nan fason yap jere biznis de fason jeneral e 5 nan 6 valè sa yo se :

1- Yon Bon kapasite lidèship

2- Fok ou son moun ki kreyatif

3- Kapasite pouw byen kominike

4- Fok ou pa pè travay

5- Fè bagay ke ou renmen

Selon eksperiyans pal nan zafè fè biznis Dieuvela pataje kek konsey ak nou spesyalman pou jèn fi kap fè biznis sou Koman yo kapab apresye epi selebre tout sa yo gentan akonpli nan endistri yap evolye a men tou li kite yon konsèy pou jèn fi ki vle antre nan fè biznis...

Dieuvela pataje ansanm ak nou apresyasyonl pou lidè Nelson Mandela, ki vreman gen anpil enfliyanse sou moun ke li ye...

Fim tankou: Les mains en or ; A la Recherche du Bonheur epi La Création de Dieu fè anpil enpak sou fason Dieuvela te wè epi konprann kek bagay avan e li konseye oditwa a gade fim sa yo tou. Liv kòm : Le Pouvoir du Rêve epi L’autoroute du Millionnaire se 2 pami anpil lot liv ke li ankouranje oditwa li.

Nou te gen chans pale tou de patisipasyon biznis li kise: Dieuvela Store nan yon konkou ke Academy Women Entrepreneur Haïti ap òganize e li envite nou kilke sou lyen sa epi layk videyo prezantasyon biznis li an poul ka genyen chans genyen konkou sa.

https://www.facebook.com/groups/portauprinceawe/?ref=share

Pa bliye ou ka rete konekte ak Dieuvela Bien Aimé sou Facebook pouw sa gen plis enfomasyon sou konkou sa epi sou lot aktivite ke lap mennen.

Yon lot fwa nou dezole pou ti reta ki genyen nan plizyè sekans entèviyou a, e nou vle raplew tou ke pa bliye pataje epizod sa ak yon zanmi ou pa janm konnen ki diferans li ka fè pou li.

Pa bliye tou voye kesyon ak sijesyon ou yo pou nou nan yon mesaj vokal nan ti ikon mesaj ki anba a goch nan paj epizod ke wap koute a nap tro kontan repon ou.

Mèsi paskew rete konekte ak framework conversations the podcast.

Nan konvezasyon mwen ak Etzer, nou te gen chans pale de antreprenaria, lidèship epi eksperiyans li antanke toastmaster.

Nan menm epizod sa Etzer pale nou de youn pami diferan otè preferel yo; li pale de Alibaba (Jack Ma) kise Se youn nan antreprenè Ki son sous motivasyon pou li. E nan yon lis de 5 lidè ki gen gro enfliyans sou li ak sou desizyon ke lap pran nan kad aktivite ke lap lid yo

Yon non tankou Stanley Baptsite se youn ladan yo...

3 pami tout lot karakteristik ke yon lidè dwe metrize alabaz pou li ka yon bon lidè selon Etzer: 1-Kapasite pouw koute antouraj ou 2-Kapasite pouw rann Sak konpleks yo senp 3-kapasite pouw enfliyanse moun

3 konsèy pou ou menm kap koute podcast sa: 1-Pa pè fè erè 2-Pa sispann aprann 3-Pratike pouw sa vin meyè

Inisyativ tankou Étudiants et entrepreneur Haïti son modèl ekzamplè ke anpil lot group jèn ta sipoze imite, son inisyativ gayan-gayan pou ou menm ki se antreprè . Propulseur group Se youn nan bel initiativ ak youn nan pi bon opsyon kew genyen pouw rete konekte ak liv kap pemet ou fè devlopman pèsonèl la pi byen... Reveye lespriw, yon liv chak mwa!

Nan moman an nap viv yon situation ki pa òdinè, sa ki kreye plis stress lakay kek moun, gon kategori de moun Ki panse ke situation sa ofri yo plis tan swa pou yo travay sou kek pwojè ki enpotan pou yo oswa aprann yon Konterans anplis, nan menm konteks sa Etzer deside lanse yon challenge Kotel ankouraje nou gade 1 dokimantè chak jou pandan 30 jou.

Mesiii déskew chwazi koute Framework conversations, e si saw sot koute a fon diferans pou ou pa ezite patajel ak yon zanmi espere kel swaf koute yon pawol konsa.

Mwen ankouraje nou rete konekte ak Etzer Louis Charles sou Facebook, epi swiv paj propulseur Group ak Étudiant et entrepreneur Haïti Facebook.

Pa bliye ou ka koute podcast sa sou plateforme tankou: Spotify, Apple podcast, Google podcast, Anchor fm, Breaker, Overcast, PocketCasts, RadioPublic. Epi Episode sa ap disponib tou sou paj Facebook Davidson Jules

Pa bliye se afcollection ki sipòte podcast sa ale sou afcollection.shop pouw ka pran pwodwi paw.

Ale, Pwochen epizod la Sè pou byento!

Nan epizod sa Gaetan pale de pwemye rankont li ak liv e poukisa daprè li, li kwè ke liv nou li gen anpil enfliyans sou modèl moun ke nou ye. Ansanm Nou pale de diferan lidè kite enfliyansel nan anfans li men tou lidè ki fasone modèl lidè ke li ye jounen jodia. Nou gade ansanm anpil bèl inisyativ kel ap fè nan kominote kòm lidè san nou pa bliye blog kel ekri etc... Jan nou toujou fè sa nan epizod avan nou yo, Gaetan pataje kek konsey lidèship ke daprè li nou ta sipoze aplike poun amélyore kapasite nou antanke lidè epi vin meyè nan kelkeswa domèn nap evolye a. Nou envitew tande epizod sa epi patajel ak yon zanmi e siw poko abone ak Chanel podcast la pa bliye kew ka fè sa sou: Apple podcast, Google podcast, Spotify ak sou paj Facebook David.SON Jules la Wap jwenn tout epizod avan yo disponib. Pa bliye al swiv paj Facebook Gaetan Caseus la tou. Pwochen epizod la Se pou byento! Mèsi