وانتهت حقبة إمتدت لأربع سنوات ونصف من وصولي إلى آثينز أوهايو وبداية مع الفلوجات والتغطية وصولا إلى اليوم. في هالحلقة أشارككم كيف كان شعور التخرج قبل وبعد الحفل الجامعي واسترجع بعض الذكريات وطبعا تفاصيل الوظيفة القادمة والخطوة التالية بالنسبة لي.

من أكثر التجارب الصعبة واللي تعلمت منها الكثير كانت تجربة التدريب في مخيم الكشافة..ومن أكثر المواقف الصعبة كانت يوم قررت أصارح المديرة عن تصرف كانت تسويه باستمرار وكان يضايقني..وطبعا الأسلوب جدا مهم في مثل هالمواقف. فكيف استطعت أني أسويها وكيف كانت ردة فعلها بعد ما واجهتها؟؟

هل التأمين الصحي يغطي الأشياء الضرورية مثل علاج الأسنان أو الإصابات الطارئة للمبتعث العماني؟؟!

في حلقة اليوم ناقشت موضوع التأمين الصحي مع رؤى العبري وتجربتها لعلاج أسنانها وإصابتها الطارئة وكيف رفض التأمين تغطية علاجها.

رابط الإستبيان: https://forms.gle/3tHNoyRDjMqqwpTE7

رابط الإستبيان https://forms.gle/3tHNoyRDjMqqwpTE7

هل أكمل دراسة وأدخل الجامعة أو وأصنع حياتي المهنية بنفسي؟ في هالحلقة طرحت هالسؤال على محمد. محمد طالب في الثانوية ويدير محل للقهوة مع والده وعنده حب وشغف في ريادة الأعمال. سمعت تجربته وتطلعاته في المستقبل وايش ممكن يتوقع اذا اختار انه يروح الجامعة.

 في السابق كان هذا سؤال مستحيل حد يفكر فيه وبيلقى اعتراض من كل حد حوله.. بس مع اختلاف الزمن وتطور التكنولوجيا صار كل شي متوفر بين أصابعنا، كل المهارت أصبحت بالإمكان تعلمها واتقانها بدون الحاجة للدخول الى جامعة وقضاء قرابة 4-5 سنوات بينما نقدر نتعلمها في ظل أشهر.

الجانب المظلم واللي ما يعرف عنه الكثير عن الإبتعاث. في هالحلقة نناقش أنا وعطاف الكندية، مبتعثة في بريطانيا جوانب مختلفة من الإبتعاث مثل أهمية الرياضة والصحة النفسية والموضوع الرئيسي كان عن الجانب المظلم من الإبتعاث: الوحدة، المسؤولية، السرقة، إلخ

محاور الحلقة: 

مقدمة: 00:00

من هي عطاف؟: 1:55

كيف عطاف تنظم حياتها اليومية؟: 5:00

تجربة عطاف مع الرياضة: 10:40

الجانب المظلم من الإبتعاث: 22:58

ليش ما أحب موضوع التحفيز؟: 33:33

هل عطاف تحس بمسؤولية تجاه متابعيها؟: 40:21

الفرق بين عطاف قبل الإبتعاث والحين؟: 44:59

أنا إنطوائي كيف أقنع أهلي بالإبتعاث؟: 46:24

خاتمة: 49:56

تريد تعرف كيف سويت فلم قصير ومسكت كل الجوانب الإنتاجية من إخراج وكتابة وتصوير ومونتاج وفوق كذا التمثيل؟؟! كلها جوانب بشاركها وياكم، كيف قدرت أعمل كل هالأشياء ومن وين تعلمتها  تابع فيلمي القصير https://youtu.be/P53AhXcFgok

يا أهلا وسهلا رجعت بعد بريك بسيط خلال الإجازة الشتوية أتمنى لي ولكم عام مليئ بالسعادة والتوفيق والرضى من الله سبحانه وتعالى  مثل هذي الإجازات تعطيني فرصة ومساحة أني أفكر وأراجع نفسي، إيش سويت وأنجزت؟ إيش الأشياء اللي مهملها وهل مقصر مع نفسي؟ وإيش الأشياء اللي سعيد أني أنجزتها؟ وأجمل الأشياء هو اذكر اللحظات اللي الجميلة والذكريات الحلوة اللي مريت فيها خلال الفترة الماضية.  وخلال هذي الحلقة طرحت تساؤلات وشاركت وجهة نظري عن الطريقة اللي أفضلها في التخطيط للسنة الجديدة بحيث أكون إنسان أفضل ونسخة أحسن من اللي كنتها السنة الماضية  شاركوني آرائكم..هل تتفقوا مع هالطريقة وتحسوها راح تنفعكم أو تفضلوا طريقة ثانية؟

يا أهلا وسهلا في هذي الحلقة راح أتطرق لوحدة من أكثر المواضيع حساسية، كثير نناقش الجوانب الإيجابية من الإبتعاث والحياة الجامعية بشكل عام ولكن في نفس الوقت ضروري جميعنا نكون جاهزين وواعيين إذا صارت أحداث ممكن تضرنا وتضر صحتنا النفسية بحيث نعرف إيش الحل المناسب ونتصرف بشكل سليم.  محاور الحلقة:    شاركني تجاربك في الانستجرام: https://www.instagram.com/fursahpodcast/ حسابي الشخصي: https://www.instagram.com/ab.azeez/