Fríggjadagin 20. oktobur skipaði Íverksetarahúsið fyri ársins íverksetaradegi, sum varð hildin í Mentanarhúsinum í Fuglafirði.

Heiðurin sum ársins íverkseti vann fyritøkan Intra, sum mennir og selir intranet.

Í grundgevingini stóð:

Ársins íverkseti er ímyndin av íverksetan. Ársins íverkseti hevur ment eina vøru, ið er eitt hent amboð hjá alskyns fyritøkum og stovnum bæði í Føroyum og uttanlands.

Fyritøkan er sera skjót at tillaga sína vøru til tað, sum marknaðurin ynskir. Hetta ger vøruna til nakað serligt og eyðkennir eisini teirra máta at arbeiða uppá.