Gæðastjórnin

Í þriðja þætti haustsins ræðum við kósýheitin í hversdeginum, hvort sem það er að opna eina crémant eða taka stutta skák, já eða bæði. Við svörum svo stóru spurningunni er þetta grænmeti eða? og einhver (sunna) fær lítið heilablóðfall. Við Rýnum í Refinn hjá Völu Kristínu stórleikkonu og grínista og kynnum inn TVO nýja fasta liði!

Rvkfoodie hornið, þar sem Sunna fer yfir nýjustu fregnir í veitingageiranum, og Thelmadund kemur sterk inn með sérlega uppskriftaúttekt, þar sem demantahrísgrjón og fimm sítrónur koma við sögu. Njótið elskurnar, biðjum að heilsa öllum ❤

Já annar þátturinn í röð þar sem súpan er rædd í þaula, þykkar súpur, tærar súpur, beikonsúpur.. svo reynum við að kenna hvorri annarri eitt og annað um skipulag og kíkjum í heimsþekktan bragðaref!

Það er útlit fyrir pumpkin spice latte season og við í stjórninni hentum í einn kósí naglasúpuþátt í tilefni þess. Sannkallaður haustbragur er yfir þættinum, hvað er svona gott við haustið? Kunna allir að klæða sig eftir veðri?? EN það var ekki bara rætt um haust heldur hefur hulunni verið svipt af HOT FLOKKUN KARLA eftir ítrekaðar beiðnir frá sponsornum okkar Stefáni í ekkert að frétta pod og það eru ekki einu stórfréttirnar í þættinum heldur verður skoðað ofan í bragðarefinn hjá engum öðrum en PÁLI ÓSKARI!!! hinum eina sanna og .. you won't believe your ears.

Biðjum að heilsa öllum 😘

Hvað er það besta við íslenska sumarið?

Hvernig er hægt að vera sniðugur með nesti og mat í ævintýrum sumarsins?

Er hægt að vera hot i útilegu??

Nýtt þemalag ADLsins?

Er krúttlegra að vera loðinn einhversstaðar?

Verður eitthvað partý sumarsins?

Þurfum við kannski bara logn og einn bol til að sumarið sé gott?

Hefuru strunsað út úr ísbúð?😤

Er Vigdís svo tveggja flokka kona eftir allt saman?

Myndiru drekka baðvatnsbrúnan Collab? Hvernig gerir maður ávaxtasýróp án hita?

Hvernig eldar maður með hráefnum úr íslenskri náttúru? Er sumarkokteillinn Viðey spritz?

Dagsferðir á Íslandi, sólarlanda ADL, gubbusögur og besta gosið í hita.

Góðan dag elskurnar! Þema þáttarins er hin heilaga morgunstund, hvað gerir morgunstund góða?

Við reynum að svara stóru spurningum lífsins; hvað þýðir stillingin á ristavélinni eiginlega, er hægt að eiga hugmyndir utan samfélagsmiðla, hvað er best að borða í morgunmat og hvað er super marmeladda? Andri Fannar Ottósson dregur okkur svo upp úr drullusvaðinu með ljóði sínu og við fáum hugljúfa innsenda kveðju frá Heru, mannfræðingi, macramé hönnuði og stofnanda Flóðs & fjöru, en hún er sérlegur sérfræðingur í morgunstundinni.

Hellið uppá og njótið ❤

Allt fyrir sósuna! Það er sumar í lofti og því lá beinast við að hafa þema þáttarins sumarlegt og hvað er sumarlegra en sósa og salat? Nema við gleymdum að tala um salat. Hins vegar ræðum við Subway sósur, bestu og verstu sósuna, hvernig Gagga smók gerir góða brúna sósu og auðvitað getum við ekki haldið kjafti með hotflokkunina okkar - hvaða sósa ert þú?

Glænýr sponsor og vinkonudrama?

Í þættinum verður farið yfir brúðkaups tips & tricks & do’s & don’ts & kiss me nots & tie the knots. Ekki skilja okkur eftir á altarinu < 3

Þátturinn fjallar um allt sem tengist því að fara út að borða. Í gæðastjórninni fyrirfinnast nefninlega tveir sérfræðingar í veitingastaðamálum og ein kona sem finnur fyrir vanmætti sínum (og staðsetur sig á óvæntu bæjarstæði á Suðurlandi). Í þættinum verður eftirfarandi spurningum svarað; hvar færðu besta forréttinn? Kokteilinn? Aðalréttinn? Eftirréttinn? Post djamm bitann? Er kál mjög æðislegt? Hraðaspurningar staðsetja okkur svo á forvitnilegum ás hámenningar og lámenningar og þroskasaga sósunnar er kynnt til leiks. Rapparinn Ó Sól-e-mic-o lýkur þættinum með þéttu rími og sjóðheitum takti.

Í þættinum er farið yfir allt þetta einfalda og góða (aðallega matarkyns). Óvænt og ódýrt, skilvirkar uppskriftir, foreldra hacks, besta nammið og óvænt !hot take! (og eitt sögulega basic take reyndar). Kimchi partý, náttföt við kertaljós, saffran perrinn og allir kjammsa Conga! Setjið hvítan dúk á borðið, mundið hníf og gaffal, setjið servéttu í kjöltuna og gúffið svo þennan þátt. Og nenni þér plís að verða að góðu!!! Ath, Snæfríður Sól toppar sig í lokin með eitt stk power ballöðu.