Milleiros de persoas volven manifestar na rúa o seu rexeitamento á fábrica de Altri. Berros en contra da celulosa, de novo, este mediodía, en Compostela.

Un domingo no que seguen as reaccións ó caso de presunto acoso sexual por parte de José Tomé, agora en funcións á fronte da Deputación de Lugo.

E no que rexistramos dous sucesos mortais. Un acoitelamento a pasada noite no parque de Santa Margarida na Coruña e un atropelo na autovía A-6, en Begonte

Tempo pra entrevista. Xosé Manuel García conversa con Alberto Varela, presidente da Federación Galega de Municipios e Provincias e alcalde de Vilagarcía

O cerco é un dos sectores máis prexudicados polo novo acordo de pesca da Unión Europea pra 2026. Un pacto que chegaba esta madrugada cun recorte do 70 por cento pra xarda. O presidente dos cerqueiros galegos fala de situación crítica.

As boas novas caeron do lado do bacallau, cun aumento do 22 por cento pros 18 buques galegos que faenan en Terranova

O cine español vive esta noite unha das primeiras grandes citas da tempada coa gala dos premios Forqué. Unha edición moi especial na que a galega Emma Lustres, cofundadora da produtora Vaca Films, recibirá a Medalla de Ouro de EGEDA en recoñecemento á súa traxectoria. Lustres, ademais, vén estrear a súa última produción, "Golpes", que xa pode verse nas salas de toda España.

Fala con ela a nosa compañeira ROSALÍA MARTÍNEZ

Dimite a secretaria de igualdade do PSdG, Silvia Fraga. Unha renuncia que comunicou esta tarde, na reunión da Comisión Executiva Nacional, ó parecer por desencontros coa direción do partido na xestión do caso Tomé. Non é a única nova da tarde sobre este caso, vén de comparecer hai uns minutos o secretario xeral, José Ramón Gómez Besteiro, que admitiu que xa en outubro escoitou rumores do acoso sexual do que se lle acusa ó alcalde de Monforte. Todo isto na mesma xornada na que Tomé formalizou a súa renuncia como presidente da Deputación de Lugo

José Tomé ven de formaliza-la súa renuncia á presidencia da deputación de Lugo. Faino defendendo a súa inocencia e indefensión, e logo de participar nunha xunta de goberno que o BNG, os seus socios ata o de agora, abandonaron en forma de repulsa pola súa presenza. Eles e o PP insisten en que debe deixar tamén a súa acta, e os socilaistas galegos deben dar explicacións. Agardamos oilas esta tarde tra la executiva nacional

- Omega cualifica d éxito as catro xornadas de folga e o conselleiro confía en ter reprogramadas a finais de mes tódalas cirurxías aprazadas

- A comisión galega da competencia sanciona a Monbús e a 21 empresas deste grupo e de Alsa con 1,6 millóns de euros e un ano sen concesións de transporte

- Repsol compromete pro ano 2027 o traslado da súa terminal da Coruña ó Porto exterior, cun investimento de 140 millóns de euros

- No tempo, agardamos unha tarde máis seca no oeste

De novo a actualidade pasa pola Deputación de Lugo. O BNG presiona ó PSdeG, busca a renuncia de José Tomé ás actas, que deixe calquera cargo. Todas as miradas postas esta tarde en José Ramón Gómez Besteiro. O secretario xeral dos socialistas comparecerá despois da reunión da executiva nacional do PSOE galego. Será o seu primeiro pronunciamento público sobre este asunto.

E lembramos esa última hora: un accidente de tráfico con dous mortos en Arzúa