Enlease máis a situación no PSdeG. Agora coa petición de dimisión do alcalde de Barbadas por acoso laboral: este responde e sinala que quen ten que face-lo é o secretrio xeral dos socialistas galegos, José Ramón Gomez Besteiro, pola xestión das denuncias.

É moi probable que o debate sobre estas denuncias se repita hoxe no Parlamento, na sesión de control..

Na Cámara galega este luns quedou aprobada a Lei que prohíbe a venda de vapeadores e bebidas enerxéticas a menores e a de orzamentos. Esta última con críticas da plataforma contra o expolio eólico ou a que defende a sanidade pública.

Deportes. O Deportivo está en oitavos de final da copa tras eliminar ó Mallorca. Hoxe turno para o Celta en Albacete.

O tempo. Recuperamos transitoriamente a influencia das altas presións. Comeza o día con neboas no interior, logo o ceo quedará moi aberto

O goberno local de Santiago procurará finiquitar esta semana o conflito das horas extra con policías e bombeiros. Presentará nos vindeiros días a súa oferta definitiva ós sindicatos. As consecuencias desta disputa evidenciáronse o pasado domingo, cando a cidade quedou sen efectivos do corpo de policía local pra supervisar a manifestación contra Altri.

-Prisión provisional pro home detido como presunto autor do acoitelamento mortal ocorrido a fin de semana no parque de Santa Margarida da Coruña

-O grupo de teleoperadores ABAI, con sede na Coruña, merca Atento tamén con sede na mesma cidade. A operación, que está pendente do visto bo da autoridade competente, convertiría ao grupo nun dos líderes do sector a nivel nacional.

-O persoal do transporte por estrada da provincia podería desconvocar a folga do venres de chegar mañá a un acordo en mediación coa patronal. Este luns as estacións volveron quedar paralizadas