Ás portas do nadal, a gripe satura os centros de saúde. As demoras nas citas son cada vez maiores. Pero tamén aumentan as hospitalizacións, aínda que segundo o SERGAS fala dunha incidencia media.

A facultade de medicina de Santiago que se opoñía a descentralización dos tres últimos curso cambia de parecer e agora si apoia o acordo adoptado coas outras universidades.

E, no PSdeG, reábrense vellas feridas vinculadas á saída de Gonzalo Caballero da dirección do partido.

Deportes. O Ourense clube de fútbol conseguiu chegar ata a prórroga pero ó final quedou eliminado da Copa. No sorteo do 7 de xaneiro só estará o deportivo.

O tempo. Pasou a fronte e quedamos co ceo parcialmente nubrado, aínda con algún chuvasco ó norte

Santiago desatasca o seu conflito con bombeiros e policía local cun principio de acordo, que remediaría as principais discrepancias: a remuneración das horas extra.

Hai máis de mes e medio que os axentes traballan baixo mínimos ó negarse a facer horas extra pola falta de efectivos.

-Remata sen acordo a reunión de mediación da tarde deste mércores entre os sindicatos do transporte por estrada da provincia e a patronal. A parte social agarda retomar hoxe as conversas, na véspera da cuarta xornada de folga do sector das últimas semanas.

- A Xunta daralle unha axuda directa de 10 millóns de euros á cooperativa Galivivenda para garantir a construción de pisos protexidos en Xuxán.

-Mañá farase pública a lista definitiva das candidatas á reitoría da Universidade de Santiago, e a catedrática Alba Nogueira xa presentou toda a documentación requerida pola comsión electoral pra evitar a sua exclusión definitiva do proceso