As xuventudes socialistas denuncian o mal funcionamento dos protocolos antiacoso dentro do partido e piden un debate interno contundente coa avaliación da dirección do partido, inclúido o secretario xeral José Ramón Gómez Besteiro.

A mañá deixa o falecemento da moza acoitelada este sábado na Coruña, presuntamente a mans do seu compañeiro de piso. El permanece detido, mañá pasará a disposición xudicial.

E vimos de coñecer o falecemento dun pescador en Bueu. Desaparecera mentres pescaba. O seu cadáver foi localizado na praia de Beluso. Lembramos que está activo o aviso laranxa nos litorais das provincias de Pontevedra e da Coruña.

O uso das redes sociais nos menores volve a xerar debate. A recente lei aprobada por Australia que, lembramos, prohibe o uso de tódalas redes sociais ós menores de 16 anos, pon enriba da mesa a necesidade dunha lexislación específica tamén no noso país.

Neste tempo de entrevista, a nosa compañeira Silvia Muíña afonda neste tema falando co divulgador científico, Julio Rodriguez, doutor en bioloxía e graduado tamén en psicoloxía.

A dúas semanas de xaneiro, que traerá unha suba das peaxes, a concesión da AP9 chega ó Tribunal Supremo. A asociación de transportistas galegos vén de anunciar un recurso que busca a nulidade das prórrogas. Á vez, hoxe o BNG pediu que se free o futuro aumento dos prezos nesta autoestrada.

Precisamente as últimas horas deixan un falecido na AP9, a altura de Moaña, tras unha colisión entre un coche e unha furgoneta; e un motorista perdeu a vida en Salvaterra de Miño, na PO-510. Moita precaución, estamos na operación saída, a DXT prevé 2 millóns de desprazamentos por estrada este Nadal en Galicia.

Todo nunha fin de semana con nova citación masiva para a vacinación contra a gripe, e mañá tamén de reivindicacións laborais do persoal de supermercados.

No tempo de entrevista recibimos hoxe a Carlos Núñez. O músico vigués actúa estes días en diferentes cidades de Galicia dentro da súa xira de nadal, na que está celebrando o 30 aniversario do seu primeiro disco "A irmandade das estrelas".

Con el fala a nosa compañeira Cruz Mato.

Denuncian á alcaldesa da Coruña, Inés Rey, e ó seu tenente de alcaldesa, José Manuel Lage Tuñas, por acoso laboral. Foron dúas ex concelleiras socialistas, a través da canle interna do partido socialista. Rey, nega as acusacións, e

-O pleno de Santiago volve tumbar, e xa por terceira vez, o pagamento das facturas a provedores pendentes do concello por valor de 1,3 millóns de euros. Foi cos votos en contra do Partido popular e a abstención dos edís non adscritos.

-Arranca a estas horas na Coruña a manifestación da comunidade educativa do CEIP Prácticas...están saíndo desde a praza da Tolerancia cara o centro educativo. Demandan a reforma integral do edificio, en estado absoluto de deterioro.

-A Xunta de goberno da USC reúnese para dar, previsiblemente, o visto bo definitivo ó acordo asinado entre as tres universidades e o goberno galego para a descentralización do grao de Medicina