Nuns minutos arrancan as concentracións e marchas convocadas neste Día Internacional de Eliminación da Violencia contra a Muller. 62 mulleres foron asasinadas en Galicia polas súas parellas ou ex-parellas dende 2008, cando empezaron a recollerse estes datos. Dúas este 2025. Tamén constan máis de 6MIL casos activos de violencia de xénero en Galicia.

E a esta hora estamos pendentes das reunións que a Consellería de Sanidade mantén cos sindicatos médicos

Dende que comezaron a rexistrarse en 2008, 62 mulleres foron asasinadas en Galicia polas súas parellas ou ex-parellas. Dúas neste ano: Josefa, de 76 anos, asasinada en abril no concello ourensán do Bolo, e Maritza, de 49, que morría na Coruña no mes de xuño. Hai máis de 6 mil casos activos de violencia de xénero en Galicia, e milleiros que aínda non deron o paso de denunciar. Por todas elas, hoxe, mobilízase a sociedade e as administracións.

- A folga en atención primaria dende mañá ó venres segue en vigor, co apoio da CIG e do sindicato médico, que ainda negocia

- A industria do aluminio advite de sobrecustos masivos pra produción dende o vindeiro ano por un novo imposto pra evita-la fuga de carbono

- Cinco organizacións piden ó concello de Vigo que declare a zona de mercado residencial tensionado e limite os prezos do alugueiro

Arestora a Coruña acolle o acto institucional de conmemoración polo Día Internacional de eliminación da violencia de xénero. Participa o presidente da Xunta, Alfonso Rueda, entroutros representantes tamén do tecido asociativo que traballa en defensa da muller.

Esta tarde haberá manifestacións nas principais cidades galegas, tamén os diferentes concellos e centros educativos teñen actividades en axenda, este era o son deste mediodía na praza do Obradoiro en Compostela