Que tal, boa tarde

Son momentos complicados para a sanidade galega que buscará mañá un acordo coa consellería, a tan só dous días da primeira xornada de folga convocada. Con todo, o sindicato Omega avisa de que, pase o que pase, eles si secundarán o paro.

A situación é dramática, segundo o BNG, que lle pide á Xunta un cambio drástico das súas políticas sanitarias.

Tamén críticas dos socialistas ao goberno galego. Neste caso polas políticas de prevención de violencia de xénero, -a só dous días do 25N-

E mentres, os alcaldes populares de Galicia reciben hoxe o alento de Alfonso Rueda, que sitúa a estratexia das municipais do 2027 en seguir solventado os problemas da cidadanía.

No tempo de entrevista, retomamos o eido sanitario pra falar sobre o Alzheimer, coa neuróloga Celia Pérez Sousa.

E nos deportes. En media hora xoga o Depor contra o Ceuta. Iremos ata Riazor pra escoitar o bulicio dun partido que lle podería devolver o liderado ós branquiazuis.

Este venres rematou a runión anual da Sociedade española de neuroloxía e vindeiro xoves comeza na Coruña un Congreso con motivo do trixésimo aniversario de AFACO, a asociación de familiares de enfermos de Alzheimer. Xosé Manuel García fala co presidente do comité científico.

Que tal, moi boa tarde.

Novo episodio de protestas do sector dos coidados. Os traballadores piden melloras laborais pra afianzar a atención que se lle da ós usuarios. Así o reclamaron esta mañá nunha manifestación en Compostela.

Na política, o BNG celebra hoxe en Teo o seu Consello Nacional, coa ollada posta nas vindeiras eleccións municipais .

Mentres, hoxe a axenda do PPdG céntrase no 25N. As populares apelan á liberdade das mulleres e acusan á esquerda de ir en contra dos intereses das vítimas de violencia machista.

Nos deportes, nuns minutos empeza o Alavés - Celta en Vitoria.

E en páxina cultural, achegámonos á mostra da fotógrafa Annie Leibovitz, na Coruña, que abre hoxe as portas da man da Fundación Marta Ortega.

Ademais, no tempo de entrevista, conversamos coa recoñecida actriz María Vázquez.

E por certo, o cineasta galego Ángel Santos vén de gañar o Premio á mellor dirección no Festival Internacional de Cine de Xixón polo filme "Así chegou a noite". Tamén foi galardoado, Anxos Fazáns polo guion do filme 'As liñas descontinuas'.

Todo isto nunha xornada fría, que xa deixou temperaturas baixo cero en moitos puntos do interior. -7 graos rexistráronse en Calvos de Randín esta mañá.

No tempo da entrevista, Manuel Gutiérrez da Silva fala con María Vázquez, unha das actrices máis sobranceiras do actual panorama audiovisual en Galicia.

Saúdos boa tarde

Segue enquistado o conflito na Atención Primaria. Sindicatos e Xunta non achegaron posturas hoxe pra desconvocar os paros da semana que ven.

Falamos tamén de vivenda e escoitamos a voz da Confederación galega de asociacións de veciños, que pide mobilizar as 300 mil residencias baleiras da comunidade.

Titulares dun venres negro nas estradas galegas, con 3 vítimas mortais, en Lugo, Moaña e Meira ás que se suma unha ferida grave nun accidente ocorrido esta tarde en Santiago. Unha muller de 47 anos caeu co seu coche desde o Orbital na SC-30, na parroquia de Bando, a unha rotonda da autovía A-54. Foi necesario cortar un carril pro seu excarceramento.

Falta vivenda e falta agora, non dentro de varios anos, cando rematen os proxectos de construción que agora se están a lanzar. Así o advirte a Confederación galega de asociacións de veciños, que pide mobiliza-las 300 mil baleiras na comunidade.

A Xunta pide a Sareb que o goberno central debería ceder a xestión destas vivendas ás comunidades pra convertelas en residencias protexidas.

O sergas apela á responsabilidade dos sindicatos e a temporada de gripe pra conseguir evita-la folga en atención primaria.

O asasino de Beatriz Lijó en Baiona en 2023 diante dos seus fillos cumprirá 25 anos por asasinato agravado por xénero e lesións psíquicas ós cativos .

No tempo. Temos por diante unha fin de semana ben regada, con frío ata o domingo, que mellorarán as mínimas.

Diciamos hai uns días que esta semana podería ser a semana do frío, e acertamos, por diante unha fin de semana na que se sumará a chuvia. Pero como poderán coñecer nos vindeiros minutos hai moitas citas para buscar plans a cuberto...

Mañá de venres esta na que a situación da vivenda está a debate en Pontevedra, e os colectivos participantes xa adiantan que construír inmobles públicos non é a solución a todos os problemas, piden medidas a curto prazo.