Primeiras consecuencias da crise no sector do automóvil. O centro tecnolóxico pacta cos sindicatos o despedimento dun cento de traballadores. Haberá tamén un expediente de regulación temporal de emprego

Seguen as protestas na sanidade a unha semana da folg aprevista en atención primaria. E, as portas do 25-N repítense as queixas polo cambio que supón retirar as competencias en violencia de xénero dos xulgados comarcais.

O tempo. Xornada con máis nubes e algún chuvasco máis probable canto máis ó norte e, sobre todo, máis frío. En Calvos, hai uns minutos, meteogalicia rexistrou -3 graos.

Saúdos, boa tarde.

Acordo entre sindicatos e o Centro Tecnolóxico da Automoción de Galicia sobre o ERE que a empresa pretende executar. Ao final serán como máximo 96 os empregados afectados, e non 150 como quería inicialmente o centro con sede no Porriño.

Noticia que chega nunha xornada de debate no Parlamento de medidas sobre violencia de xénero. A Xunta anuncia unha casa de acollida en Santiago pra vítimas con problemas de adicción.

E un accidente nas obras do AVE en San Cibrao das Viñas deixa un traballador falecido e outro ferido. Tamén esta tarde deixa outro sucesos: un home morre nun accidente de tractor en Vimianzo.

Comezamos neste Mediodía Galicia, segundo día da semana, e cada xornada máis fría que a anterior. Esta a semana parte da actualidade está na baixada das temperaturas.

Segundo día ademais de pleno no Parlamento, que nos deixa avances na atención ás vítimas de violencia de xénero.

E damos conta da morte dun traballador que se atopaba nas obras do AVE en Ourense, a partir das dúas e dez iremos ata San Cibrao das Viñas.

Antes, nos vindeiros minutos imos falar doutra nova que igual viron estes días, unha árbore da Coruña que opta a ser árbore do ano. A iniciativa leva xa varios anos poñen en valor a riqueza natural que temos entre nós, lembren hai uns anos o carballo do Banquete de Conxo, en Santiago por exemplo.

Tamén hoxe falamos da dobraxe audiovisual e dos perigos dos programas de intelixencia artificial que rouban as voces, os contidos.

Santiago contará o vindeiro ano cunha casa de acollida pra víctimas de violencia de xénero que teñan problemas de adicción. Anunciábao a conselleira de igualdade no parlamento, xunto ós centros de información á muller móbiles e a nova lei de violencia dixital.

Mobilización en Verín pra reclamar a permanencia nas salas comarcais dos casos de violencia de xénero, que agora se trasladan á capital

Concentracións nos centros de saúde contra os plans da consellería pra atención primaria, que mantén a convocatoria de folga

Un falecido e un ferido nas obras do AVE en San Cibrao das Viñas

Os reitores das tres universidades galegas e a Xunta ratifican o preacordo para a descentralización do grao de Medicina. Agora queda só que os consellos de Goberno de cada unha das universidades lle dean o visto bo.

- O Concello de Santiago ordeará esta semana o pago de máis de dous millóns de euros das horas extra que adebeda a bombeiros e policía local.

- María Pita aposta por regular "a convivencia" entre taxis e vehículos de transporte con condutor.

- Os presupostos de Ferrol para o ano que vén rozan os 100 millóns de euros

Galicia seguirá tendo unha única titulación de Medicina: A Coruña promete parar o proceso iniciado para solicitar o grao. E é que os tres reitores pactaron o calendario pra descentralización deste estudios.... empezará xa o próximo curso coas prácticas de quinto curso.

Sanidade: rematou sen avances a reunión celebrada este luns entre o SERGAS e os sindicatos pra tratar de evitar a folga convocada a vindeira semana en Primaria. Hoxe hai previstas concentracións nos centros de saúde.

E, no Parlamento a maioría do PP permitiu que os orzamentos da Xunta sigan a súa tramitación.

O tempo. empeza a xornada con néboas no interior... logo iranse abrindo claros. Quedará máis nubrado no norte. Descenden as temperaturas, aínda que a baixada será máis acusada desde o xoves