Saúdos, moi boa tarde.

AENA asegura que non limitará os vóos nos aeroportos galegos e avanza que antes de final de ano definirá as rutas máis acaídas pra cada terminal.

Ademais, xa está en Galicia o rei emérito. Don Xoán Carlos chegou esta tarde a Sanxenxo, no medio do balbordo pola publicación das súas memorias.

E foi enviado a prisión o mozo de 22 anos investigado polo homicidio da súa nai en setembro en Vilagarcía.

A vivenda e a sanidade protagonizaron esta mañá o cara a cara quincenal do presidente da Xunta coa oposición. Alfonso Rueda defende que as prioridades do goberno galego están nas contas que se van aprobar, e desbota as acusacións de falta de compromiso.

AENA comprométese a poñer sobre a mesa das compañías aéreas propostas de novas rutas con demanda contrastada

A construción para por primeira vez en 50 anos en demanda dun convenio galego con melloras laborais e salariais

Dúas familias seguen fora das súas casas tras dun incendio forestal no concello lugués de Cervo que queimou 5 hectáreas

Viuse axudado polo vento dun temporal que xa estamos deixando atrás, logo de ducias de incidencias, por caídas de polas e obxectos ás estradas.

Mércores de sesión de control no Parlamento con enfrontamento entre Goberno e oposición a conta da vivenda. A mañá deixa o anuncio do presidente da Xunta de triplicar as achegas para vivenda protexida.

Todo nunha xornada na que o aeroporto de Santiago entra nunha nova fase, sen Ryanair como a compañía forte, búscanse xa outras conexións baixo outras marcas. A partir das dúas e dez escoitamos a proposta de Aena.

Pero antes, nos vindeiros minutos, imos desprazarnos a un punto clave pro desenvolvemento unha disciplina na que Galicia é referente: o circo.