O popular Fernández Mouriño recupera a alcaldía de Carral nunha bronca moción de censura que arrebatou o bastón de mando a Javier Gestal, de Alternativa dos veciños.

Renfe estuda presentar unha demanda contra Galicia e Castela e León polos nove días que tivo que parar por culpa dos incendios. Calcula as perdas en tres millóns de euros. Adiantouno o ministro Óscar Puente no Congreso. Dixo que os dous gobernos tiña que ter dimensionado un servicio de prevencion e extinción de incendios e non o fixeron.

Por certo Puente adiantou que o estudo sobre o tren de cercanías en Galicia propón catro zonas de acción. Pero o documento definitivo non se coñecerá ata finaiss de ano.

E, hoxe, protagonismo pra Navantia: pola tarde procederase á botadura da primeira das cinco fragatas que se constrúen pra Armada. Ata tres membros do goberno estarán con este motivo en Ferrol: representación encabezada polo presidente Pedro Sánchez

A Fegamp entende que a Xunta poña o foco na limpeza dos entornos das aldeas, pero lembra que moitos concellos non etán en condicións de asumi-la. Rexeita que se queira vincular a xestión destas franxas á participación no Fondo de cooperación local.

Os incendios de agosto que foron de novo obxecto de debate no Parlamento e soubemos que haberá axudas pra aqueles concellos con maior impacto no turismo.

José Luis Fernández Mouriño volve ser o alcalde de Carral tras prosperar a moción de censura contra Javier Gestal, de Alternativa dos Veciños. Un pleno no que non faltou o cruce de acusacións entre o rexedor saínte e os dous edís tránsfugas que apoiaron ao PP. O balbordo chegou tamén ás portas da sesión, onde os veciños protestaron con berros de "traizón"

O foco político da provincia está hoxe en Carral, onde ás 12 arranca a moción de censura que deixará a Alternativa dos Veciños só co seu bastión de Oleiros. O PP arrebatará hoxe a alcaldía ao partido de Ángel García Seoane.