As explicacións do presidente da Xunta sobre a xestión do caso Alfonso Villares -investigado por agresión sexual- non convence á oposición. BNG e PSdeG non entenden os aplausos dos populares a Villares nin a intención de Rueda de recuperalo para a vida política nun futuro, dando por sentada a súa inocencia. Socialistas e nacionalistas tamén piden unha investigación sobre a filtración da identidade da denunciante. Advirten: pode afastar a outras mulleres a denunciar.

Hoxe o presidente da Xunta asiste en Barcelona á Conferencia de Presidentes.

E o Colexio de Avogados advirte dun posible colapso nos xulgados galegos trala aprobación en Consello de Ministros de dous xulgados de violencia machista novos en Galicia, que suporá a eliminación de dous de instrución.

E quedaron en liberdade os cinco detidos na operación contra a droga no Salnés. Están investigados por un delito contra a saúde pública

Hai catro meses que o presidente da Xunta coñecía a denuncia por agresión sexual presentada contra Alfonso Villares. Confirmouno o propio Alfonso Rueda este xoves, durante a toma de posesión da nova responsable da carteira de pesca, Marta Villaverde.

Malia que xa estaba ao tanto, a Xunta preferiu agardar pra tomar medidas ata que a apertura da investigación fose oficial.

Unha postura que non gusta á oposición, que se pregunta por qué o presidente non actuou antes.

Hai 4 meses que o presidente da Xunta sabía que un dos seus conselleiros estaba a ser investigado no marco dunha denuncia de agresión sexual. Esta semana converteuse oficialmente en investigado, e o anuncio da súa dimisión veu seguido de halagos e agradecementos polo goberno da Xunta ó completo. Mesmo desexando unha pronta volta á vida política de Alfonso Villares, algo ó que se unía a nova titular, Marta Villaverde. Celebracións que non entende a oposición, que demanda respeto á violencia contra as mulleres, á intimidade da víctima, e explicacións sobre o longo silencio ante unha acusación da máxima gravidade.

A Coruña aprobará hoxe en pleno a nova ordenanza pra regular as vivendas turísticas...mentres os propietarios ameazan con levala aos xulgados...

O sector carga tamén contra a taxa turística de Compostela.

- Santiago avanza no proxecto de rehabilitación dos edificios municipais da rúa Caramoniña, pra destinalos a vivenda pública. As obras arrancarán no 2026.

-O alcalde de Laxe fai un chamado para pedir vivendas en alugueiro para os afectados polo incendio desta fin de semana, que deixou aos veciños sen casa.

-Nos deportes, Pablo López será o novo adestrador do Racing de Ferrol, procedente do Ourense Club de Fútbol, xa estivo no club racinguista como axudante de Parralo. Será presentado hoxe ás doce e media