Propagandístico e pouco novidoso. Son os adxectivos que lle dedica o colectivo médico e de enfermaría de Primaria ó anuncio da Xunta de realizar pequenas cirurxías nos centros de saúde. Os profesionais din que xa se fai desde hai anos nalgúns centros e que, se a Xunta quere agora estender esas prácticas a todos os ambulatorios, ten que facelo con máis persoal e medios.

Desde o Sergas reiteran que o plan anunciado non suporá máis carga laboral.

Galicia tamén lamenta a morte do Papa Francisco que non visitou Galicia pero ampliou o ano xubilar de 2021 ó 2022.

Plan de sanidade pra realizar operacións que só requiran anestesia local nos centros de saúde. Porase en marcha este verán en ambulatorios de Lugo e Pontevedra.

Novos problemas de tráfico en Pedrafita consecuencia das obras pra impermeabilizar os novos viaductos do castro.

E, na Coruña, hoxe cadran ata 5 cruceiros con case 15 mil mersoas entre pasaxeiros e tripulantes.

O tempo. Comeza o día con néboas no interior. No terzo norte aínda pode caer algún chuvasco, pero, en xeral, o ceo está moi aberto

Recollemos tamén en Galicia as reaccións á morte do papa Francisco. O arcebispo de Santiago transmitiu unha mensaxe de dor e esperanza e lamentou que o pontífice non visitase finalmente Compostela.

No estritamente político, preparación do debate sobre o estado da autonomía, que comeza este mércores. E no consello da Xunta, aprobación dun plan pra facer cirurxía menor nos centros de saúde.

Pendentes da comparecencia do arcebispo de Santiago para trasladar o seu pésame pola morte do Papa. Francisco José Prieto fixo referencia á agardada visita do Papa a Santiago, e menciouno tamén á figuro do Apóstolo.

Declaracións desde a Catedral de Santiago, na praza do Obradoiro, un lugar de gran relevancia para os católicos.

A través das redes sociais, o presidente da Xunta destacou a impronta inolvidable -escribiu Rueda- que deixa o Papa na historia recente e en milleiros de persoas. O secretario xeral dos socialistas galegos lembra a Francisco coma unha persoa de paz, diálogo e compromiso cos vulnerables. Gómez Besteiro queda co recordo da súa última mensaxe a favor dos migrantes e das persoas marxinadas.

Pleno decisivo en Cambre pra elixir ao novo goberno local, pra os próximos 24 meses.

Todo apunta a que o PP dirixirá en minoría o concello con 4 edís de 21...ao negarlle o apoio ao PSOE o partido saínte.

- Reactívase a fronte de concellos coruñeses pola gratuidade da AP-9, logo de coñecerse que a concesionaria obtivo o ano pasado uns beneficios netos de 90 millóns

-En Santiago, os traballadres de Iluniun lavanderías, concentraranse hoxe pra esixir melloras no seu convenio colectivo.

-Os ecoloxistas cren que sería necesario ampliar o territorio protexido do parque natural de Corrubedo. Ademais, a presión turística á que está sometido o parque deteriora, din, a riqueza natural e a conservación da zona