Incógnita en Cambre polo futuro do concello. Este martes o edil de Unión por Cambre, Ramón Boga, daba a coñecer a súa dimisión poucos días despois de que María Pan, a ex-alcaldesa, tamén decidira deixar o bastón de mando. O vindeiro luns o municipio da área metropolitana coruñesa celebra un pleno do que sairá o novo goberno local. Hoxe mércores, o partido de Pan e Boga levará a cabo unha asemblea pra decidir qué posición tomar nesa sesión plenaria.

- Os traballadores de Ilunion Lavanderías, en Santiago, anuncian mobilizacións pra pedir melloras no seu convenio. Son preto de 200 traballadores, dos cales o 90 por cento conta con algun tipo de discapacidade.

- Memorialistas pídenlle á Xunta sancións máis graves pra familia Franco por non abrir a Casa Cornide ao público 4 días ao mes.

- A mostra de encaixe de Camariñas arranca esta tarde. Neste informativo conversaremos coa concelleira do ramo pra afondar nos detalles

A vindeira semana celebrarase o debate do estado da autonomía, pero este martes a Xunta xa fixo un balance triunfalista do primeiro ano de xestión, de política útil, en palabras de Alfonso Rueda. A oposición critica o que denomina acto propagandistas pagado cos cartos dos galegos. Lamenta que se esquecera de multitudinarias manifestacións coma de Altri. Distintas organizacións denuncia que a moratoria na platación de eucalipto no é real e que será peor se de instala a celulosa en Palas.

O tempo. Vaise ir retirando o aire frío de xornadas pasadas e quedaremos cunha situación meteorolóxica algo máis estable, pero pola mañá aínda continuarán os chuvascos. Á tarde vanse abrir máis claros. As temperaturas seguen baixas: esta noite o valor mínimo rexistrouse en Baltar, 0 graos

Alfonso Rueda reivindica a política útil, que di que é a que practica o seu goberno. Foi nu acto celebrado na Cidade da Cultura co título de "Estilo Galicia" no que aparte do discurso do prresidente da Xunta se incluiu a testemuña de distintas persoas para loubar a xestión do executivo en distintas materias, educación, sanidade ou servizos sociais.

Acto de celebración no que non se puxo ningunha tacha a acción do executivo.

A oposición sinala que todo é progaganda e que a semana que vén se poderán confrontar os dous modelos no debate do Estado da autononía, fixado para os días 23 e 35.

Agora resumimos esta celebracón e recollemos a opinión de PSdeG e Bloque. Antes, con Antía Fernández, outros titulares deste martes

Protesta o persoal da residencia de maiores de Caranza polas medidas disciplinarias que recibiron algunhas traballadoras. A Xunta nega que as sancións teñan relacións coas mobilizacións que levaron a cabo as empregadas pra denunciar as súas condicións laborais. No centro hai persoal de baixa en tóda-las áreas, e algúns falan de acoso por parte da direccións.

-Preocupación na Pobra do Caramiñal polas verteduras de hidrocarburos que seguen a chegar ás costas. Os veciños cren que non se poderán bañar no verán.

- Raxoi denega as licenzas pra rehabilitar dúas das casas en ruínas do plan municipal de poxas. Alega incumprimentos da normativa do Plan Especial de Cidade Histórica.

-A CIG tacha de "fracaso" o proceso de transición xusta das Pontes tralo peche da central térmica de Endesa. Insisten na necesidade de chegar a un acordo para a xestión propia entre as institucións e a compañía