Goberno e Xunta pechan hoxe en Santiago o acordo para xestión do litoral. Con este motivo estará en Santiago o ministro de Politica Territorial que se reunirá co presidente da Xunta. Antes Rueda contestará no Parlamento ás preguntas de oposición sobre a situación da sanidade... debate que xa tivo onte un primeiro asalto.

En Cervo, a fábrica de Sargadelos segue pechada...E xa pasou a súa primeira noite en prisión o veciño do Bolo acusado de matar a súa muller.

As estradas deixanos un accidente mortal en Sanrria, Un home de 60 anos faleceu tras un sinistro que provocou o incendio do coche, O conductor quedou atrapado no vehículo.

O tempo. de novo sol e temperaturas altas, hoxe aínda poden subir algún grao máis. Onte en Ourense ou Leiro chegaron case ós 30 graos e hoxe poden rebasar esa cifra

Xa coñecemos a sentenza da chamada Operación Asunción, a que desartellou unha rede de trata de mulleres con fins sexuais en Narón e Ferrol. A Audiencia Provincial condena a 54 anos de cárcere ao matrimonio que xestionaba os pisos onde as vítimas eran explotadas.

Damos conta tamén da pena acordada coa Fiscalía para o acusado do crime de Montealto, condenado por estrangular a unha octoxenaria en 2023. O home acepta 18 anos e medio de prisión

-Ecoloxistas alertan da afección ambiental que ocasionaría a instalación do parque eólico de Satrebares. Aseguran que aumentaría o risco de mortalidade de 94 especies de aves

-A veciñanza das Somozas alerta dunha avalancha de partes médicos denunciando as afeccións ambientais de Sogarisa. A planta de xestión de residuos industriais xa ten paralizada parcialmente a súa actividade por incumprimentos ambientais

-Na Coruña, os populares cren que a aprobación dos presupostos evidencia o deterioro democrático da cidade. O plan orzamentario aprobarase no pleno de mañá, logo de que se inadmitisen tóda-las alegacións presentadas en contra

Dous asuntos polémicos centraron o debate hoxe no parlamento: Altri e as listas de espera en Sanidade. O BNG insistiu en pedir transparencia nos compromisos da Xunta coa empresa portuguesa. Sobre as listas do Sergas, a oposición acusa ao goberno de trampealas e o conselleiro dí que están entre as mellores de España.

E o presidente da Xunta avanzou hoxe que estuda pedir as competencias para axilizar a incoporación de extranxeiros ao noso mercado laboral...

Incorporar ós traballadores de fóra supón unha serie de requisitos que a Xunta quere axilizar a través da transferencia das competencias relacionadas cos permisos de traballo e residencia. Avanzar máis rápido na documentación e de maneira máis sinxela axudaría a favorecer a integración no mercado laboral e, con ela, loitar contra o declive demográfico da nosa comunidade.

Esta é a intención da Xunta, aínda que de momento non concreta a fórmula na que reclamará ó Estado asumir os trámites.

Os orzamentos da Coruña están a un paso de aprobarse. Rexeitadas as alegacións da oposición, as contas entrarán en vigor no próximo pleno...previsto pra este xoves.

-"Movemos ficha para que A Coruña avance" é a nova campaña de mobilidade do BNG. Demandan máis concexións entre os barrios e máis carrís bici.

- -As bonificacións da AP53, entre Santiago e Dozón, comezarán a aplicarse desde o 1 de maio

- En Cambre, Alternativa dos Veciñospropón constituír unha Comisión Xestora pra sacar ao concello da parálise na que se atopa