Seguen a chegar valoracións sobre a celulosa de Altri... O CSIC considera que aínda faltan datos do impacto ambiental e cuestiona o estudo realizado pola Xunta pra darlle luz verde. Pero o goberno galego mantense na mesma postura e insiste en defender o rigor dos técnicos. Mentres, a ministra Yolanda Díaz dixo hoxe non entender que o proxecto pretenda financiarse con fondos europeos.

Aínda en páxina industrial, a compañía viguesa Atunlo entra en liquidación con máis de 120 millóns de débeda. Precisaban do 65% do respaldo dos acreedores e quedáronse, moi preto, no 60%. Tras catro prórrogas, hoxe era o último día para conseguir os apoios.

O Centro Superior de Investigacións Científicas pronúnciase sobre o proxecto de Altri. Considera que faltan datos do impacto ambiental e pon en dúbida o estudo realizado pola Xunta para darlle o visto bo. Un dos investigadores do CSIC, nesta casa en Radio Nacional, tamén lembrou os antecedentes da empresa promotora, de orixe portugués. Literamente, di o investigador, que en Portugal non queren a Altri 'nin en pintura'.

Na Xunta insisten en defender a valía e obxectividade dos seus técnicos mentres segue a presión da oposición contra o PP. O BNG acudirá a xustiza se os populares non proporcionan información detallada en sede parlamentaria.