Malos tempos para o PSdeG inmerso nunha profunda crise en Santiago tra-la expulsión de catro dos seis concelleiros, pero ademáis tamén queda sen representación en Outes, onde único concelleiro se vai co PP e perderá a alcaldía de Viveiro que tamén vai pasar a mans do Partido Popular.

Dúas citas pra esta xornada... O rei Filipe estará en Ferrol; e, o presidente da Xunta está en Bruxelas pra intervir no pleno do comité de rexións.

E, nada cambia...Galicia é a comunidade co peor saldo vexetativo en 2024. O ano pasado rexistráronse 19.333 falecementos máis que nacementos.

O tempo. Poucos cambios na situación meteorolóxica, co ceo máis nubrado ó oeste e posibiliade dalgunha orballada

A Crise do PSOE de Santiago non se vai resolver de forma pacífica. Os catro concelleiros expulsados do partido aseguran que defenderán a súa posición mesmo no eido xudicial, e cualifican de despropósito que os expulsen por non asistir a unha reunión que non estaba convocada conforme ás normas... Un encontro que pretendía usa-la executiva socialista pra mudar de voceiro en Compostela. Esta decisión da executiva federal espertou críticas de distintas voces do partido, tamén a outra que dictou a formación, a do alcalde do Carballiño, en Ourense, tralo seu pacto de goberno co PP... Unha situación complexa pro partido que dirixe José Ramón Gómez Besteiro a só uns días da celebración do seu congreso autonómico.

OS catro edís expulsados do PSOE de Santiago non abandonará o grupo municipal pese á súa expulsión definitiva...Muíños, Rosón, Castro e Álvarez afirman que a resolución non é firme, e poden presentar recurso.

Este mediodía comparecen ante a prensa.

- En Santiago, bota a andar a plataforma veciñal de Santa Marta pra loitar contra a venda de droga no barrio e demandar a actuación das autoridades.

- Os traballadores da residencia pública de maiores Volta do Castro, en Compostela, esixen máis persoal, medios e formación. Este martes concentráronse fronte ao centro.

-División sindical en Navantia Ferrol sobre o convenio colectivo. A posición dos sindicatos CIG e MAS, que ostentan a presidencia da parte social, non obtivo o apoio do resto de forzas