Cinco mulleres asasinadas en Galicia polas súas parellas e exparellas neste 2024 en Galicia. A última chamábase Rejane, tiña 42 anos e foi atopada sen vida na súa vivenda de Viveiro. É o último rostro dunha lacra que precisa máis recursos, máis compromiso e máis educación. Petición todas elas realizadas esta tarde no Parlamento galego.

Todo tras unha sesión de control na que o BNG pediu ó PP que rectifique na súa postura sobre Altri, pero o presidente Alfonso Rueda reitera: os informes técnicos avalan o si á macrocelulosa.

A tarde deixa ademais unha muller falecida en Ponteceso tras caer ó río Anllóns co seu coche.

O proxecto pra instalar unha celulosa en palas de Rei volvía hoxe ó parlamento, pra ser protagonista dun novo enfrontamento entre o presidente da Xunta e a lider do BNG. Foi na última sesión de control ó goberno deste ano, na que tamén foi a primeira ocasión do representante de Democracia Ourensana pra preguntar a Alfonso Rueda. pedíalle contas dos investimentos do gberno galego pra Ourense no vindeiro ano.

Xa están en Padrón os 65 migrantes solicitantes de asilo que pasarán seis meses no centro de acollida xestionado pola ONG Rescate.

Nas últimas horas a veciñanza recibiu unha charla pra facilitar a integración destas persoas

- Descontento en Navantia Ferrol tralo NON do cadro de persoal de toda España ó preacordo acadado coa dirección pra renovar o convenio.

- Os mariscadores de Noia están a vender o berberecho en pleno mes de decembro a 2 euros o kilo. Algúns anos o bivalvo acaoua os 6 euros, o triplo que o importe actual.

-O concello de Santiago lanza un proxecto pra que a nova estación intermodal ofreza a imaxe de Castelao. Xa remitiu a proposta ao MInisterio de Transportes e Adif

Galicia consegue as comptencias sobre a costa. Xa hai acordo co goberno pra que a comunidade poida asumir a súa primeira transferencia en 15 anos. E boas noticias pros usuaarios da autopista Santiago-Lalín: o consello de ministros aprobará a vindeira semana un real decreto que lle permitirá dispoñer das mesmas bonificacións que a AP-9.

E xa hai data pro xuizo de Baltar por un presunto delicto contra a seguridade vial: será o 13 de xaneiro.

O tempo. Segue o vento e hoxe as chuvias van ser máis xenerlizadas

A maioría absoluta do PP permite aprobar os orzamentos galegos do ano que vén. Sen apenas atender os cambios que pedía a oposición, saen adiante as contas e a lei que os acompaña. Fano entre críticas desde diferentes sectores como a sanidade, que pide máis cartos ou os colectivos antieólicos, descontentos cos cambios normativos introducidos.

De contado escoitamos as súas reivindicacións, tamén a satisfacción da Xunta ante o acordo co Goberno para xestionar a nosa costa.

En Vigo, arestora concentración en demanda dunha vivienda digna.

A tarde deixa ademais o non do persoal de Navantia de toda España ó preacordo para renovar o convenio, postura contraria ós comités de Ferrol e Fene, que votaron a favor.

E falece un home de 79 anos no concello ourensán de Muíños tras caer do tellado anexo á súa vivenda ó ceder a uralita.

Despéxase a transferencia a Galicia da xestión do litoral. A nosa comunidade recibirá esta competencia nos mesmos termos que xa a ten o país vasco, segundo veñen de acordar as duas administracións. Satisfación dende o goberno galego que agora terá a última palabra na xestión das concesións no dominio público marítimo terrestre.... coma a de ENCE en Lourizán, en Pontevedra, agora de novo en dúbida. A Comisión Europea enviou un dictame motivado a España sobre as prórrogas das concesións en dominio público marítimo na que insiste en que incumpren a normativa europea, e empraza ó Goberno español a modifica-la lexislación. Do contrario, podería remiti-lo asunto ó Tribunal europeo de Xustiza.