Desde as cinco e media desta madrugada os traballadores de Navantia Ferrol e Fene deciden o seu futuro. Teñen ata as tres pra votar a favor ou en contra do preacordo acadado entre Comité e Empresa pra o segundo convenio colectivo.

- As traballadoras das tendas de Inditex, na Coruña seguirán adiante coas súas protestas ate que a multinacional reabra a mesa de negociación a nivel provincial.

- Novo golpe contra o narcotráfico na provincia. A Garda Civil e o Servizo de Vixilancia Aduaneira incautáronse de preto de 230 quilos de cocaína no porto exterior da Coruña.

-O secretario xeral do PSdG volve terciar no conflito aberto entre a dirección local do PSOE compostelán e o grupo municipal, cuxos seis edís están expedientados. Besteiro advirte que nun partido, hai que cumprir as normas

A multitudinaria manifestación do domingo en Santiago non fixo cambiar a Xunta de parecer. O presidente Rueda argumenta que Galicia non pode renunciar a proxectos que xeran apostos de traballo. O socialista Gómez Besteiro di que Altri non recibirá os 30 millóns de financiamento extra do Estado.

Empeza unha semana intensa no parlamento con dous plenos: o máis inmediato comeza ás dez e permitirá aprobar os orzamentos do vindeiro ano.

Sobre o galego, o presidente da Real Academia pídelle á Xunta que actúe para evitar o colapso e atribúe a situación actual o chamado decreto do plurilingüismo.

Deportes. O que fóra presidente da Deputación de Pontevedra co PP, Rafael Louzán, é o novo presidente da Federación española de Fútbol.

O tempo. Achégase unha borrasca e hoxe vai destacar o vento. Pero a cambio subiron as temperaturas mínimas

Continúan os ecos da mobilización multitudinaria contra Altri deste domingo en Santiago. Malia todo o ruido xerado, a Xunta mantén firme a súa postura: Se cumpre coa normativa ambiental, o proxecto será autorizado. Mentres, a oposición pídelle ó goberno que rectifique.

Outro dos asuntos que está a ocupar estes días a primeira plana política é o uso do galego, lingua en declive segundo os últimos datos do Instituto Nacional de Estatística. Nun informe, a Real Academia Galega apunta á Xunta como principal responsable. Dende o goberno, din estar dispostos a facer cambios pero non van admitir, din, a inmersión lingüística que propón o BNG.

Nos sucesos, incautados máis de 200 kilos de cocaína no porto exterior da Coruña. Estaban agochados nun barco procedente de Brasil que transportaba fariña. De momento non trascendeu que houbese detidos.

E nos deportes, Rafael Louzán, escollido como novo presidente da Federación Española de Fútbol.

Máis de 200 quilos de cocaína incautados e baixo investigación toda a tripulación do barco no que viaxaba. É o resumo da nova operación contra a droga na nosa comunidade, esta vez tivo lugar no porto exterior da Coruña. A procedencia do barco, do Brasil, fixo sospeitar ós axentes. É unha das chamadas zonas quentes. O alixo confirma que Galicia segue a ser a porta de entrada da droga en Europa.

A Fundación Galega contra o narcotráfico reitera que faltan medios e pide compromiso político. Esta tarde proporá no Congreso aumentar medios, axilizar a xustiza, aumentar as penas, fomentar a colaboración cidadá e actuar no primeiro chanzo do tráfico de substancias: a venda a pequena escala como a que se realiza nos chamados narcopisos.