Hoxe é o día probablemente máis agardado na comisión de investigación sobre contratación pública. É a xornada na que vai comparecer o máis alto responsable da Xunta. Neste caso o presidente Alfonso Rueda, xa que Alberto Núñez Feijoo que era o titular da Xunta cando se fixeron os contratos que se investigan rexeitou comparecer.

Seguen a ampliarse as rebaixas nas peaxes da AP 9. O Consello de Ministros aprobou incrementalas ata o 50 por centopara os usuarios que, entre outras condicións, realicen 20 viaxes ó mes se pagan coa telepeaxe.

O tempo. O paso dunha fronte durante as próximas horas vai deixar chuvascos, máis probables no sur e oeste da comunidade.

- O xurado declara culpable de matar ó seu marido á veciña de Paderne xulgada esta semana na Audiencia Provincial. Pero considera probado que tiña as facultades parcialmente alteradas.

- O concello da Coruña confirma que o próximo xerente da Orquestra Sinfónica será elixido por concurso público. O director titular fai un chamamento a acometer os problemas sistémicos da institución.

- Nuns minutos comeza o pleno ordinario en Santiago. Darase luz verde ao modificativo de crédito de 1,8 millóns que o PSOE botou abaixo na sesión extraordinaria do venres.

Avanzan as comparecencias na comisión de investigación creada no Parlamento e a oposición redobra as críticas e non confía en obter resposta ós interrogantes formulados. Faltan -din-protagonistas claves e non teñen sentido outras como a do actual conselleiro de Sanidade ó que acusadron de ir dar un mitin.

Non hai sopresa nos recursos presentados á sentenza do Alvia: a fiscalía aliñease coa defensa do alto cargo de adif condenado para pedir a absolución.

E o sindicato médico de Galicia fai propostas pra sacar a atención primaria da situción de colapso na que di está agaora.

O tempo. anúnciase unha xornada solleira e as temperaturas máximas rondarán os 20 graos.