- Segunda sesión do xuizo no que se acusa a unha muller de matar presuntamente ao seu marido en Paderne en 2022 dándolle cun martelo na cabeza. A acusada recoñeceu os feitos. O seu avogado defende que actuaba baixo un gromo psicótico.

- Os traballadores de Navantia volven reunirse hoxe en Madrid coa empresa pra tentar acordar un novo convenio colectivo. Están a facer paros en Ferrol e Fene como medida de presión. Denuncian boicot da empresa á súa folga.

- O "Simpar" de Santiago consegue a súa primeira Estrela Michelín. É o único restaurante galego que se incorpora a nova guía Michelín de 2025. O Retiro da Costiña gaña a segunda.

Primeiro a ausencia de Feijóo, ó que o Partido Popular non quixo citar, e agora a do exministro de Sanidade, Salvador Illa, que tiña que comparecer mañá, pero que non vai acudir. O contido da comisión que investiga no Parlamento os contratos da Xunta dilúese cada vez máis. hoxe hai previstas outras seis comparecencias.

Hoxe ampla crónica de tribunais da que detacamos a condena a 23 anos o home xulgado na coruña por matar a súa parella e o recurso de Renfe no caso Alvia no que pide que se apliquen atenuantes na condena ó maquinista.

O tempo. Continuaremos nunha situación intermedia entre altas e baixas presións, con circulación de sur. Van subir as temperaturas máximas.

Renfe recorre a sentenza do accidente de Angrois e solitica a atenuante de reparación do dano pra o maquinista, ao pagarse as inddemnizacións antes do xuízo.

Nova de última hora, que ampliaremos en próximos informativos...nunha tarde na que tamén coñecimos a sentenza do crime machista do Birloque: A audiencia provincial condena a 23 anos de cárcere ao home que asasinou á súa parella neste barrio coruñés por decidir romper a relación.

Isto, mentres estamos pendentes da Comisión de Investigación que a estas horas está remantando sobre os contratos públicos da Xunta...