Máis de cen efectivos da Brilat, do Exército de Terra, súmanse ás tarefas de axuda en Valencia. É parte do equipo posto a disposición por Galicia. Todo xunto ás achegas da veciñanza de toda a comunidade: os concellos afectados piden que se priorice a axuda económica fronte ó envío de comida ou outros produtos.

É o máis destacado dunha tarde que nos deixa a condena a 10 anos de cárcere para o único investigado pola morte de Nerea Añel, en Barbadás en 2020. A audiencia provincial de Ourense rectifica a súa primeira sentenza e considera que o home, entón parella de Nerea, é culpable de homicidio por omisión de socorro.

Nuns minutos escoitaremos tamén as novidades sobre o acceso á reprodución asistida na sanidade pública galega. Amplíase ós 45 anos.

Nos deportes, o Celta pecha a xornada de liga en Primeira fronte ó Xetafe en Balaídos

O Banco de Alimentos das Rías Altas continúa traballando pra mandar axuda aos damnificados pola DINA de Valencia. Habilitou hoxe e mañá varios puntos de recollida en distintas zonas da Coruña, Ferrol e Santiago.

O obxectivo é conseguir produtos básicos e non perecedoiros. Para evitar colapsos, nun primeiro momento clasificaranse nos almacéns locais, á espera da coordinación que se faga dende a Federación Española de Bancos de Alimentos

Nun día no que boa parte da sociedade galega quere axudar ós afectados pola DINA, recollemos hoxe un chamamento das autoridades e as ONG. Suspéndense as recollidas que estaban a organizar os concellos. A petición dos que están sobre o terreo é que se canalice ese apoio a través de doazóns económicas que se gastan na zona e no que de verdade fai falla pra atende-la crise en cada momento. Sí son benvidos os medios técnicos e profesionais, coma militares, bombeiros, persoal de protección civil ou policías que se están a desprazar dende distintos puntos de Galicia

- O BNG acusa á Xunta de incorrer nun engano sistemático ó divulga-las cifras dos Orzamentos.

Sosteñen que leva anos anunciando investimentos millonarios que despois non se executan.

- Unións Agrarías alerta da aparición de brotes de flavescencia dourada en viñedos abadonados.

Este sindicato pide a actuación da Xunta pra identificar ós propietarios e non poñer en peligro a próxima vendima.

- Segunda xornada de folga dos traballadores do Concello de Ourense.

Despois de meses de conflicto, a xunta de persoal non tivo ningún contacto co alcalde para reconducir a situación

- As persoas con dano cerebral reclaman máis recursos especializados.

Hoxe trasladaron as súas demandas á Valedora do Pobo. Entre elas está tamén promover a vida independente e o emprego das persoas con esta discapacidade.

- O tempo. Hoxe máis cuberto e chuvascos na metade sur