Hoxe venres, falaremos das reinvindicacións do persoal de Iberdrola en Galicia, que se van manifestar para pedir melloras salariais.

Tamén do turismo en Ourense, medra o internacional mentras que os peregrinos da Vía da Prata van a baixa e da situación do lobo en Ourense, que será obxecto hoxe dunha xornada informativa na Marcos Valcárcel.

E como tódolos venres falaremos de cine con Manuel Precedo.

Turismo de Galicia e o concello de Santiago acordan poñer data para unha reunión sobre os temas pendentes neste materia...Algo que Raxoi leva solicitando desde hai tempo.

Aínda que hai vontade de diálogo...hai discrepancias en asuntos como a masificación ou a perda de viaxeiros en Lavacolla. O director de Turismo afea as mensaxes sobre "turistificación" lanzadas polo concello.

Isto, no día en que o presidente Alfonso Rueda promocionará na China o próximo Xacobeo 2027.

-O aeroporto de Alvedro absirve sen tensión o primeiro día de desvío de voos á terminal coruñesa polo peche de Lavacolla. Santiago estará 35 días sen operatividade polas obras na pista.

-A Confederación Española de Policía denuncia que aínda non teñen data para reformar a comisaría da cidade tra-lo incendio de hai dous meses e medio. O sindicato subliña que os axentes están traballando en condicións precarias

-Nova xornada de folga dos traballadores municipais de Cariño, -e xa van 15-, para demandar un cadro de persoal actualizado. De non haber avances nas negociacións co concello, avanzan folga indefinida a partir do 3 de maio

Tempo agora pra entrevista dos sábados onde falamos con Arancha Portabales, autora do libro Asasinato no muiño do cura. Con ela fala o noso compañeiro Enrique Morales

Tralos últimos movementos políticos no concello de Lugo, co debate da moción de censura no horizonte, hoxe a cidadanía de Lugo está chamada a manifestarse para rexeitar o transfuguismo, en alusión ó apoio da ex edil socialista María Reigosa a esta moción do PP. O acto está impulsado por un novo colectivo nacido entre o sector cultural lucense.

E despois dunha nova xornada de folga na atención primaria, convocada pola CIG, coñecemos as cifras do Consello de Contas sobre o investimento do Sergas en atención primaria: a conclusión apunta a que a nosa comunidade inviste nesta área menos que o resto de autonomías.

As últimas horas deixan un home falecido en Muros tras ser esmagado por unha vaca, na parroquia do Burgo. Ata o lugar desprazouse un helicóptero medicalizado pero os sanitarios só puideron confirmar o falecemento.

E prisión provisional, comunicada e sen fianza para o condutor do camión detido polo atropelo mortal do mércores no polígono do Vao, en Pontevedra. Foi arrestado como suposto autor dun delito de homicidio imprudente e abandono do lugar dos feitos

Xoves no que a actualidade segue centrada en Lugo coas reaccións á moción de censura promovida polo PP. Ás dúas e dez iremos á Cidade das Murallas. Tamén estaremos na Coruña, Alvedro asume os voos do aeroporto de Santiago, pechado desde hoxe por obras.

Todo nunha xornada de folga na atención primaria e na que vimos de coñecer que dúas persoas están sendo investigadas en Carballiño e Coles por dous conatos de incendio tras facer queimas. Lembren que están prohibidas a particulares ata novo aviso