Galicia Informativos

Detencións e varios feridos, un deles hospitalizado, durante unha manifestación dos bateerios ás portas da sede da Xunta en Santiago.

A decisión da consellaría do Mar de pechar varias zonas nas que ata agora tiñan permiso pra recoller mexilla encendeu máis os ánimos e uniu a un sector ata agora dividio. Na concentración participaron varios centos de productores de mexillón que pediron a dimisión da conselleira do Mar, Rosa Quintana.

O secretario xeral do PSdeG, Valentín González Formoso, apoia a petición e pidelle ó presidente que se poña á fronte do conflicto.

Resumen actualidad

As novas da provincia de Ourense presentadas por Marta Landeira e Carlos Cerecedo

As traballadoras do servizo de Axuda no Fogar de Carballo esixenlle a empresa adxudicataria FEPAS soldos dignos. Esta mañá manifestaranse pola da vila pra exixir subas acorde ao IPC. Os traballadores de Lacera no Hospital Abente y Lago suspenden a folga logo de que a empresa confirmase que se reunirá con eles o 20 de abril. Mañá de Pleno na Coruña. Os Grupos politicos insisten en pedir explicacións ao Concello sobre o STL, mentres Inés Rey reafirma que o seu goberno fixo as cousas ben. A UTE formada polas empresas, Endesa e Ferrovial, serán as encargadas do servizo de mantemento e suministro do alumeado das rúas de Santiago.

Aprazadas 400 operacións cirúrxicas nos dous primeiros días da folga de médicos convocada pola delegación galega do sindicato CESM. O paro está tendo o seu maior segumento nos hospitais, sobre todo nos de Ourense e Vigo.

Novidades no accidente de Xove no que morreron catro xoves. O conductor, que segue hospitalizado, deu positivo en alcol. O outro ocupante que sobreviveu ó sinistro está a ser investigado por un presunto delicto de omisión de socorro. O tempo. Hoxe aínda persistirá certa inestabilidade atmosférica con algúns chuvascos máis probables ó norte e temperaturas baixas.

 

Neste segundo día de folga na sanidade pública, continúan as diferenzas entre as cifras de seguimento que calcula a Confederación Española de Sindicatos Médicos e as que calcula o SERGAS. Ademais, malia que Sanidade asegura que moitas das reivindicacións da CESM están acordadas na mesa sectorial, o sindicato nega que isto sexa así nunha xornada na que se confirmou que o conductor implicado no accidente de Xove deu positivo en alcol e na que os traballadores do servizo de limpeza do Hospital Abente y Lago da Coruña suspenderon temporalmente a súa folga polo despedimento de 5 compañeiras. A vindeira semana reuniranse coa empresa concesionaria pra tentar chegar a un acordo.