O protagonismo na actualidade deste mércores está no Parlamento co debate sobre o estado da autonomía, a partir das dúas e dez debullaremos o que deu de si a sesión desta mañá.

E hoxe temos unha das entregas de premios máis importantes do ano, os galardóns María Casares de teatro. A cerimonia comezará ás oito e media no Teatro Rosalía de Castro da Coruña coas pezas 'Reconversión', de Ibuprofeno Teatro; e 'A serie Coplen', do Centro Dramático Galego como as obras que optan a máis premios.

Mañá neste espazo intentaremos falar con algún dos protagonistas dos María Casares, antes hoxe achégamos a un oficio no que faltan profesionais e no que a muller está infrarrepresentada

A Audiencia Provincial da Coruña non ve indicios para procesar ao ex-conselleiro, Alfonso Villares por agresión sexual. O que fora titular do departamento de Mar dimitiu en xuño do pasado ano despois de que trascendese públicamente a denuncia. Confirma así o arquivo e ratifica así a decisión do xulgado de Ferrol, que dera por concluido o sumario. O auto da Audiencia aínda non é firme. Cabe presentar recurso de súplica.

Renfe achaca as incidencias na venda de billetes de onte a un posible erro da aplicación. Tamén sobre as conexións por tren, o Foro Cidadán polo Ferrocarril de Ferrolterra realizará este sábado unha viaxe reivindicativa entre Ferrol e Betanzos, en demanda dun transporte digno.

Segunda xornada de protesta, este mércores, do alumnado do CEIP Virxe do Portal, en Sobrado dos Monxes. Non está a acudir a clase como medida de presión polo mal estado do centro.

17 producións finalistas compiten este mércores nos premios de teatro María Casares, que celebra xa a súa trixésima edición na Coruña. O espectáculo Reconversión, de Ibuprofeno Teatro, é o que acumula máis nominacións, cun total de 11.

A actualidade neste mércores 8 de abril pasa por Coles, onde unha operación policial destapou unha trama criminal pola que foron detidas catro persoas. Están acusadas da comisión por presuntos delitos de trata de mulleres con fins de explotación sexual e contra a saúde pública.

O Tribunal de Instancia de Ourense arquivou a causa contra o alcalde de Ourense, Gonzalo Pérez Jácome, por unha denuncia que cuestionaba a adquisición de material técnico e a contratación dun asesor por parte do Concello para realizar, supostamente, gravacións para unha televisión privada. Non ve indicios suficientes de delito.

No cultural, hoxe celébranse os Premios de Teatro María Casares na Coruña con representación ourensá entre os finalistas. A Metamorfose de Sarabela Teatro opta ao premio de mellor tradución-adaptación feita por Carlos-Álvarez Ossorio. E, no tempo da entrevista, falamos con Fran Lareu que optará a dous premios como actor. 

A Audiencia provincial da Coruña confirma o arquivo da denuncia ó exconselleiro da Xunta, Alfonso Villares, por agresión sexual. Á presunta víctima quédalle o recurso de súplica,

Incendios: extinguidos os que se iniciaron en Carballo e Ponteareas tras queimar cerca dun milleiro de hectáreas.

Un mércores con protagonismo pro debate de politica xeral no Parlamento.

O tempo... Aínda se mantén a influencia das baixas presións.... con chuvascos na metade sur e temperaturas algo máis baixas, sobre todo ó norte.