Martes que para moitos é sinónimo de luns coa volta a rutina despois das vacacións de Semana Santa e do Luns de Pascua. Un día que comezou mal para os usuarios de tren do Eixo Atlántico, auténtico caos na páxina e aplicación de Renfe para conseguir billete; ademais de atrasos na circulación de trens sobre todo en Vigo.

Xornada ademais con baixada de temperaturas e orballos que axudan nos traballos de extinción dos incendios forestais, están neste momento estabilizados os lumes de Ponteareas e Carballo.

Por certo día importante para a industria na Mariña coa volta ó traballo en Alcoa. A partir das dúas e dez os detalles, antes neste espazo falamos de empresas e do acceso da muller a postos de mando

Estabilizado o lume que se declarou onte nas concellos da Laracha e Carballo, que acabaron por unirse afectando. segundo o último parte de medio rural 150 hectáreas.

As chuvias están axidando a calmar a situación, varios veciños tiveron que ser desaloxados, pero xa están nas casas...De seguido falamos co alcalde da Laracha.

Tamén en Ferrol, os servizos de extinción tiveron que actuar este luns para sofocar un incendio que se produciu a escasos metros da ermida de Chamorro, cadrando coa romería, o lume non tardou en ser extinguido.

Ademáis, damos conta dun incendio urbano en Narón declarado esta noite, que calcinou un edificio desocupado na zona da Xuvia.

--Atención ao tráfico na Coruña porque dende esta noite e ata o venres non se poderá circular en horario nocturno por Alfonso Molina debido a montaxe da nova pasarela que une a estación de autobuses coa de tren.

- Tras case dous meses do incencio na Comisaria da Policia Nacional de Santiago, os efectivos da capital galega din sentirse abandonados polo Ministerio e esixen un novo espazo de forma urxente.

- A cidade herculina acolle dende hoxe a Semana do Cinema Galego. Os oito filmes finalistas nos Mestre Mateo poderán verse de balde no Teatro Colón e a Domus

A actualidade neste martes sete de abril pasa pola avespa velutina. As asociacións de apicultores traballan no trampeo paa facer fronte a unha ameaza que se suma ao impacto da varroa e tamén dos lumes.

O Pladiga recolle que o 21% das queimas prescritas realizaranse en Ourense, algo que critican Dende Amigas das Arbores ao consideraren que se abusa desta práctica.

Logo dunha Semana Santa marcada pola afluencia de público nas termas, o presidente da Deputación de Ourense anima á construción de novos espazos termais.

No tempo da entrevista falamos sobre a xornalista María Luz Morales, primeira muller directora dun xornal, con Alba Moledo. 

Primeiro día con tempo de verán e primeiros incendios. Máis de medio milleiro de hectáreas arderon nunha tarde nos incendios que se iniciaron en Carballo e Ponteareas. Neste último foi necesario activar o nível de alerta dous pola proximidade do lume ás casas dunha aldea de Pazos de Borbén, pero pouco antes da medianoite xa foi desactivada. A chegada da chuvia axudou no control das lampas.

E é que quedamos baixo a influencia das baixas presións que supón un aumento da nubosidade e chuvascos, máis probables no sur. As temperturas máis baixas, aínda que as máximas rondarán os 20 graos. Pero lonxe dos 31 que se rexistraron este luns na Coruña ou Ourense

O mes de marzo pecha con caída nas cifras de parados, maior aquí que no conxunto do país. Os sindicatos insisten en que boa parte se centra en sectores precarios e estacionais, mentres o goberno galego celebra as cifras históricas.

Alcoa culminará mañá a reactivación das cubas, pero os traballadores reclaman un prezo da enerxía estable para garanti-lo seu futuro.

Ringleiras na Coruña de residentes senegaleses para renovar os seus pasaportes nunha delegación temporal da embaixada.

Renfe reorganiza os trens entre Vigo e Ourense, e leva á cidade olívica o Alvia a Cataluña polas obras na liña do Miño e a estación da Coruña.

No tempo, día de calor... e tronadas.

Escoitamos de contado as palabras de López na entrevista de RNE. Tamén as das expertas en violencia de xénero, que piden que NON normalicemos os datos de asasinatos machistas.

Dos deportes... O Celta remontou en Mestalla e coa permanencia asegurada permítese soñar coa Champions.

O tempo. Temos por diante un día de praia antes de que a última hora vaia entrando unha borrasca