Galicia Informativos

As novas da provincia de Ourense presentadas por Marta Landeira e Carlos Cerecedo

O AVE que une Galicia con Madrid circula de novo. Estivo 24 horas inoperativo polo incendio na Serra da Culebra en Zamora. Pero, o lume non causou danos na infraestructura e tras unha revisión os técnicos de Adif autorizaron a súa posta en servizo, aínda que cunha limitación temporal de velocidade na zona.

O que vai tardar en restablecerse é a circulación de coches pola A-6 en Pedrafita. De momento non hai nin datas para a realización das obras necesarias pra volver a poñer en servizo a autovía.

E, esta fin de semana sorprendeunos a detención de tres veciños de Mazaricos pola morte dun veciño o pasado mes de novembro

Restablecida a circulación de trens entre Galicia e Madrid, despois de que o feroz incendio que afecta á Serra da Culebra, en Zamora, obrigase a interromper as conexións. Todo despois dunha tarde noite de desesperación para centos de usuarios aos que Renfe non lles deu alternativas. A Garda Civil non aconsellaba o transbordo por estrada e moitos organizáronse para viaxar en taxis ou coches de alugueiro. Outros pasaron a noite en hoteis. Este corte nas comunicacións por tren chegou cando aínda se están analizando as causas do derrubamento da ponte da autovía A-6 no Castro, outra das portas de Galicia. O deputado do BNG no Congreso, Néstor Rego, pide aquí en Radio Nacional a comparecencia da ministra de Transportes e unha auditoría do resto de pontes e túneles da vía

Entrevista a D. Néstor Rego (Diputado del BNG en el Congreso por A Coruña), realizada por D. Xose Manuel García

O Cluster da Función Loxística de Galicia pide que se acondicionen os desvíos alternativos á autovía A-6 ante a incerteza que se abre tra-lo segundo derrubamento na ponte. O Goberno agarda que se produza un terceiro pero de momento hai que esperar, por seguridade non se pode acceder ao anaco do viaduto que queda en pé. Representantes do sector reuniranse o martes coa Xunta e a Delegación do Goberno para coñecer de primeira man as previsións que se manexan. En Ourense continúan activos dous incendios, un deles afecta ao parque natural do Invernadeiro. En deportes... O Hockey Liceo é o novo campión da OK Liga. O conxunto coruñés fíxose co título logo de vencer por 2 tantos a 5 ao Reus

Entrevista co director artístico da Fundación Laxeiro, Javier Buján. Realizada por Manuel Gutierrez da Silva.

A ministra de Transportes visitou esta tarde xunto ao presidente da Xunta, o límite entre Lugo e León pra coñecer in situ a situación do Viaducto do Castro, logo de que onte se producira un novo derrubo doutro tramo na que non houbo que lamentar feridos. Estabilizado en Ourense o que xa é o maior incendio forestal do ano rexistrado en Galicia

A caída dun segundo tramo do viaducto do Castro, na entrada a GAlicia pola A6, fai medra-la sensación de que non será posible salvalo, e as preguntas sobre cómo foi construido, se houbo erros ou vicios ocultos. Esta tarde, 10 días despois de que se cortara a principal conexión de Galicia coa meseta, a ministra de Transportes acudirá ata ese punto, onde coñecerá de primeira man as impresións dos técnicos. Non hai que lamentar danos persoais, pero os económicos medran cada día que o tráfico da autovía está desviado pola estrada nacional - Continúan activos dous incendios no concello ourensán de Larouco... Entre os dous levan queimadas 220 hectáreas. O que comezou o mércores está estabilizado. - Unións Agrarias pide que a Consellería de Medio Rural dé de inmediato as axudas prometidas ó sector da carne. Se non o fai convocará mobilizacións. Considera que a situación dos productores é insostible. - Conflicto en Rianxo entre os mariscadores a pé e a flote. Non se poñen de acordo sobre a delimitación das zonas de traballo. Este xoves tivo que intervir a Garda Civil e a Policía Local para evitar un enfrontamento. - A cuarta dose da vacina da covid será, de momento, só pros maiores de 80 anos. Así o reiterou esta mañá na Coruña o conselleiro de Sanidade, para aclarar as palabras da ministra que apuntaban a unha cuarta dose pra poboación xeral

As novas da provincia de Ourense presentadas por Marta Landeira e Carlos Cerecedo