Galicia Informativos

Unha muller de 43 anos loita pola súa vida no hospital da Coruña tra-lo que todo apunta que foi unha agresión machista. O seu home, que inicialmente se deu á fuga, foi detido na Coruña, e trasladado á comandancia da garda civil de Carballo, que trata de esclarece-los feitos. Hai dous fillos, a salvo coa familia, pendentes da evolución de súa nai, xunto a toda unha vila, Carballo, e toda Galicia, conmocionados pola grave agresión, que lle provocou, entroutros danos, rotura craneal.

As novas da provincia de Ourense presentadas por Marta Landeira e Carlos Cerecedo

O 6 de xuño o presidente da Xunta vaise reunir cos líderes da oposición. Recibiráos por separado e xa os convocou hoxe a través dunha carta. É o titular máis destacado dun día no que tamén se confirma que César Román, o mozo das Pontes ferido na explosión do hotel da Habana, volve mañá a Galicia. Este domingo é tamén xornada pro banquete de Conxo e pra tradicional romaría do PPdeG en Poio. Na entrevista, hoxe falamos coa xornalista Érika Reija, correspondente de Televisión Española que vén de recoller en Ferrol o Premio José Couso á Liberdade de Prensa

Entrevista a Dña. Erika Reija (Premio José Coso), realizada por Dña. Alejandra López

O presidente da Xunta abordará co presidente do Goberno a posible baixada ó pecio do Villa de Pitanxo. Alfonso Rueda recibiu esta mañá ás familias das vítimas. Falamos hoxe tamén da varíola do mono. E da pandemia, desta volta cunha baixada no número de hospitalizados, aínda que aumentan os pacientes na UCI. Estamos en Ferrol, onde a xornalista de Televisión Española Érika Reija recibe arestora o Premio José Couso de Liberdade de Prensa. Na entrevista, os Premios de Teatro María Casares

entrevista co Director de Escea Carlos Álvarez-Ossorio, e coa actriz Luma Gómez, co gallo dos premios de teatro María Casares. Realizada por Andrea Oca.

Galicia rexistra o seu primeiro caso positivo de varíola do Mono. Esta tarde o Instituto de Saúde Carlos III de Madrid confirmaba o diagnóstico para ún dos dous casos que lle remitiran dende o SERGAS esta mañá. E Xornada de movementos na Sanidade Galega. Médicos de urxencias e Atención Primaria denuncian o colapso do sistema. Esta mesma tarde manifestaranse na Baixa Limia par protestar pola falta de facultativos na zona.