Petra佩特拉被譽為新世界七大奇蹟，一個又一個喺玫瑰紅岩鑿出嚟嘅建築，令兩位主持人都為之讚嘆。到底Petra有幾正？就係正到要用一集時間嚟講！ IG: @gong.travel / @same_nermac / @sulpha

去完以巴，梗係要去埋佢哋嘅鄰居約旦啦！好多人去約旦都係為咗Petra，個個都話首都安曼冇嘢好去，事實又係咪咁？聽吓你就知啦！ IG: @gong.travel / @same_nermac / @sulpha

今集，兩位港女繼續帶大家走入巴勒斯坦多個城市：去伯利恆重溫聖誕故事，走入希伯崙了解猶太人同阿拉伯人嘅民族情仇，亦會到訪新城拉瓦比感受巴勒斯坦對未來嘅願景。一齊同我哋發掘巴勒斯坦嘅不同面貌啦！ IG: @gong.travel / @same_nermac / @sulpha

以色列風光固然引人入勝，但令兩位港女更在意的，其實係身處喺同一片土地上嘅另一個國家——巴勒斯坦。一道道有Banksy加持嘅隔離牆或者會係遊客打卡嘅地方，但佢哋更係巴勒斯坦人日常生活被限制嘅證據；明明身處自己國土，但巴勒斯坦人被迫住入難民營，一住就係幾代；時至今日，以巴問題仍然未有解決跡象。今集內容可能會比較沉重，但希望可以令大家更加關注呢個地方啦。 IG: @gong.travel / @same_nermac / @sulpha

嚟到最後一集以色列，兩位港女會帶大家上山下海，登上二千年前猶太起義嘅最後據點Masada，跳落全球海拔最低、鹽度最高嘅死海試吓漂浮！我哋重會分享規劃以色列行程嘅心得，以及各種注意事項。就算未咁快去到旅行住，袋定啲貼士落袋都冇壞吖！ IG: @gong.travel / @same_nermac / @sulpha

以色列立國短短七十年，大部分國民由外國回流，令國內文化非常多元：耶路撒冷作為千年聖城，宗教氣氛濃厚，極端正統猶太教教徒更形成了自成一格嘅保守社區；特拉維夫自由奔放，超級LGBT Friendly，每日可以欣賞地中海日落美景。今集，兩位港女會繼續帶大家去以色列，嚟一個耶路撒冷x特拉維夫雙城記，講吓我哋嘅難忘經歷！ IG: @gong.travel / @same_nermac / @sulpha

港女講旅行嘅第一炮，我哋決定講吓主持人都去過、又感受深刻嘅地方——以色列。以色列雖然版圖唔大，但豐富嘅歷史遺跡、別樹一幟嘅文化、各種矛盾碰撞都令人印象難忘。而耶路撒冷作為三大宗教嘅共同聖城，更加係無數信眾與朝聖者嚮往嘅地方。今集，兩位港女先帶大家進入耶路撒冷舊城區，尋找唔同信仰嘅地標，講吓背後嘅歷史啦！ IG: @gong.travel / @same_nermac / @sulpha