一齊打機 🎮 同你講初創界真理過真理褲嘅真理

#利世民 #街霸 #打機 #初創界 #酒色男女 #7個獨立嘅故事 #港人港語講故事 #madebyhongkongers

係餘講七部曲裏面，所有嘅男角除咗佳少之外，冇個好人。不過如果你唔用絕對嘅道德標準，有時你又好難界定一個男人嘅好同壞。喺劇中Simon係會出軌嘅有婦之夫，但係其實佢對初戀情人Mon姐（其實都唔算初戀情人，係一個宅男嘅單戀）真係算係癡心一片，冇乜求回報咁希望Mon姐幸福,有時真係好難界定一個男人係咪渣男，其實每一段嘅感情有其獨特複雜性。至於係劇中其實我係刻意加插提起「神聖羅馬帝國」，因為算係我會加入港聲你聽嘅奇妙旅程嘅起點。話說二一年德國大選，對於點解德國議會嘅議席係浮動始終搞唔清楚，寫咗封電郵俾Simon問佢可唔可以解釋吓德國選舉制度，記憶中冇幾日Simon就寫咗一篇「神聖羅馬帝國」，清楚明瞭，初初睇標題仲唔明唔係講德國咩？點解會係神聖羅馬帝國。當然有存疑自己先Google一下係基本，先知道德國呢個地方前身嘅另一個叫法，又長知識喇。亦都係應該嗰陣時開始訂閱Simon嘅網站，好喜歡睇佢嘅長文，借此一書。執筆呢一刻其實我未諗到Mon姐同Steven會有點樣嘅結局，希望最終話下一集可以有一個大家都會喜歡結局。最後，多謝支持港聲你聽嘅你哋。

聲演演員：

#原創劇本 #香港人 #香港話 #聲音劇 #港聲你聽 #voxhk

#利世民 #酒色男女 #winetasting #品酒 #7個獨立嘅故事 #港人港語講故事

編劇Ryan Sir 的話：

Ryan sir喜好杯中物，所以其實都想喺餘講系列談談情，說說酒。至於故事裏面有關Robert Parker兩次品酒嘅經歷，資料主要來自畢明嘅一篇文章，因為一直都好喜歡睇畢明嘅專欄唯有杜康，活潑輕鬆長知識，多年以來提供有養分嘅精神食糧，借此鳴謝張小姐。今次Simon同Gogo嘅合作，其實我覺得係好有火花，我個人特別喜歡故事嘅結尾兩人嘅互動，好自然。而其實呢個故事最尾嗰兩句係喺錄音時候即興加上去，效果可能比起慢慢寫嘅劇本仲要好，多謝Simon操刀嘅第一剪同演繹，好演繹到嗰種男性對初戀情人複雜嘅情感。希望大家都喜歡人生自是有情癡呢個故事。

聲演演員：

酒色男女 Playlist:

#原創劇本#香港人#香港話#聲音劇#港聲你聽#voxhk

兩位現代女性愛情觀, 一個保守傳統 vs 一個開放前衛, 睇睇故事講啲咩？ 同你哋諗嘅愛情觀又有咩唔同？

#酒色男女 #7個獨立嘅故事 #港人港語講故事

編劇Ryan Sir 的話：

當我理順咗想寫嘅餘講系列嗰七個故事嘅人物關係，第四集其實係我第一次寫兩個女人嘅對手戲。因為Ryan sir呢啲粗枝大葉嘅死宅男唔認識，唔明白女性，其實係有少少怕寫兩個女人嘅對手戲，太容易以男性嘅視覺去寫。故事設定兩個主角都係獨立自主嘅現代女性，但性格近乎南轅北轍，Mon姐保守傳統，另一女主角活潑開放前衛，唔會有一般女性嘅道德包袱，認為女性對所有事情包括自己嘅身體都可以自主，唔需要理會其他人嘅眼光。喺我哋組員之中勝任呢個角色大有人在，不過最後我邀請合作開嘅Gogo,原因固然因為由第一個劇星一巴到半生緣，一直合作愉快，夾慣夾熟，另外都會想睇吓Gogo點樣演繹呢個角色。事實上出嚟嘅效果我覺得非常出色， Gogo演活咗一個獨立自主、風情萬種嘅現代女性。而Mon姐一貫專業嘅演出，令到呢個劇立體好多，希望大家都喜歡呢個故事同Mon姐Gogo 嘅演繹。

聲演演員：

酒色男女 Playlist:

#原創劇本#香港人#香港話#聲音劇#港聲你聽#VOXHK

✈️ 飛來艷遇冇難度/旅行搭訕要不失霸氣

#飛機上邂逅 #酒色男女 #7個獨立嘅故事 #港人港語講故事

寫完好想寫嘅相愛很難相處更難，跟住再寫完好想同Steven佳少合作嘅藍夢。我原本諗住我餘講系列嘅劇本已經寫完，多得監製嘅鼓勵／催促／威逼／利誘第三個劇本嘅可能性，因為對上兩個劇本同Mon姐Steven嘅愉快合作，某一晚突然間想知道假若離咗婚嘅Mon姐同搞初創嘅Steven相遇會唔會有火花？咁就有咗再生緣呢個故事出現，而當佢哋兩個相遇嗰一刻，亦都開始構思會唔會有第四第五第六第七集嘅劇本？好喜歡Simon餘講系列嘅構思，每一集可以獨立探討一啲主題，真係或者可以再寫多幾個餘講嘅故事（寫緊呢個編劇的話嘅時候啱啱準備寫第六集）每一個故事都可以獨立咁聽，不過其實每一個主角之間互相有啲關連，亦都好多謝港聲你聽每一個組員，喺合作嘅過程都係好愉快，每一個參與劇作嘅演員都有好多對劇本以及對白睇唔到嘅貢獻，希望你哋都會喜歡再生緣呢個故事，亦都多謝每一個支持港聲你聽嘅你 🙏。

聲演演員：

酒色男女 Playlist:

#原創劇本#香港人#香港話#聲音劇#港聲你聽#VOXHK

環保 ♻️ 與獨立思考

編劇Ryan Sir 的話：

自從加入港聲你聽之後，識咗好多有趣嘅朋友，大家素未謀面，但係又可以覺得好投契。聽過Steven嘅演出，我其實一直都想搵佢合作，不過因為Steven身處歐洲，一直冇乜機會，多得Simon提議餘講單元劇呢個概念，終於有機會搵非常投契嘅組員佳少同Steven一齊合作。合作過程非常之愉快，大家嘅頻率非常之接近，喺寫劇本嘅過程大家有傾有講有笑其實都好有火花。至於用藍夢呢個名，其實係我後生時候一套好喜歡嘅香港漫畫裏面嘅組織個名，都算切合今次嘅題材。希望大家喜歡藍夢呢個故事，其實呢個故事我最想講嘅唔係環保，我最想講嘅係獨立思考。另外多謝Simon提供有關海鞘嘅資料，我一個唔覺意就偷咗嚟用，多謝Simon。

聲演演員：

酒色男女 Playlist:

#原創劇本#藍夢 #酒色男女#港人港語講故事#7個獨立嘅故事#環保#獨立思考 #香港人#香港話#聲音劇#港聲你聽#VOXHK

三八婦女節嘅聲音劇

編劇 Ryan Sir 的話：

離婚喺現代嘅社會越嚟越普遍，相信每一個聽眾都一定會認識朋友或親人離婚，呢一個故事只不過係云云眾生其中一個。多謝Mon姐喺寫作過程中提供協助同方向指引，避免故事流於單向嘅男性視覺。更加感謝Mon姐為故事起個咁好嘅名，避免出現原名「一個離婚的故事」呢啲災難級別嘅劇名。希望將呢套劇送畀每一個為其中嘅對白或某啲段落感動嘅妳，所有負責任又努力嘅已婚女性都值得擁有更好。多謝大家對港聲你聽嘅支持，多謝！

聲演演員：

酒色男女 Playlist:

想試吓寫一個故仔，sad 得來又其實好正面，矛盾之餘其實好和諧，鬧人嘅對白其實係愛嘅表現，愛嘅時候其實多少都有啲遺憾，遺憾嘅，日後睇返，都仍然充滿愛同關懷。

佢生阿女時 36 ；而佢阿女雖然未必有自己嘅女，但透過媽媽嘅離開，佢響 36 歲個年又一次好似佢媽媽咁，重新出發，脫胎換骨。

聲演演員：

🤨不同的生活態度，行出各自覺得有意義的人生

這故事是藉著兩位主角討論如何處理遺囑的時候，輕輕帶出在他們各自婚姻關係的變化。面對婚姻挫折, 有人繼續向前行; 有人從此選擇簡單嘅生活, 兩位主角不同的生活態度,行出各自覺得有意義的人生。其實世間萬事萬物, 包括每一段關係, 永遠逃不過生離或死別, 而不同宗教亦有藉住面對離別, 引導我們反思。傳道書提過世間萬物均有定期, 佛教思想強調緣起性空。

編劇：Angel

💞邊個話男人唔浪漫？🕺🏻

想唔想解開「豆腐火腩飯係男人的浪漫」呢個謎？女性角度又點睇呢件事呢？男人又覺得咩係浪漫一齊嚟體驗一下真正嘅男人的浪漫。

編劇：大師兄＋Alice

餘講 Playlist:

🤔 一對男女究竟幾時先至適宜發生關係呢？👩🏻‍❤️‍👨🏻