लहानपणी मोठं व्हायची घाई असते...

आणि मोठे झाल्यावर कधी कधी वाटतं, थोडं अजून लहान राहिलो असतो तर?

पण नेमकं मोठं होणं म्हणजे काय? वय वाढणं? जबाबदाऱ्या वाढणं? की काहीतरी अगदी वेगळं?

आजच्या गप्पांमध्ये याच प्रश्नाभोवती थोडं थांबूया.

कदाचित या गप्पांमध्ये तुम्हाला तुमच्यातलंच काहीतरी सापडेल.

ऐका... आणि सांगा,
आपण मोठे कधी झालो?

राम राम.

गटारी म्हटलं की आठवणींची एक वेगळीच खिडकी उघडते...

काही गोष्टी मोठ्या नसतात, फार गंभीरही नसतात. पण त्या आपल्या आयुष्याचा, आपल्या माणसांचा आणि आपल्या जगण्याच्या पद्धतीचा एक सुंदर भाग बनून राहतात.

या भागात अशीच थोडी गम्मत, थोड्या आठवणी आणि थोड्या मनातल्या गप्पा.

काय आहे ते? ऐका... मग सांगा. 😄

गप्पा गोष्टी, मनातल्या.
राम राम.

गप्पा गोष्टी, मनातल्या | Episode 6 — राखी

काही नाती रोज बोलण्याची गरज नसते.
काही नाती कितीही वर्षं गेली, कितीही अंतर आलं तरी मनात तशीच राहतात.

राखी म्हणजे फक्त एक धागा नाही; ती आपल्या माणसांची, आठवणींची आणि न बोलता जपलेल्या प्रेमाची आठवण आहे.

या भागात थोडं थांबूया... आणि आपल्या आयुष्यातल्या त्या खास नात्यांकडे पुन्हा एकदा मनापासून पाहूया. ❤️

गप्पा गोष्टी, मनातल्या.
राम राम.

गप्पा गोष्टी, मनातल्या | Episode 5 — आमचा उम्या

काही माणसं आपल्या आयुष्यात फार मोठी भूमिका बजावत नाहीत… पण तरीही ती आयुष्यभर लक्षात राहतात.

या भागातली गोष्ट आहे उम्याची

त्याच्या छोट्या दुकानाभोवतीच्या गप्पा, त्याची साधी जीवनाची तत्त्वं, मित्रांबद्दलची आपुलकी आणि अडचणीच्या वेळी केलेली छोटीशी मदत… या सगळ्यातून नकळत एक नातं तयार झालं.

उम्या कुठे असेल?

ही त्याची गोष्ट आहे.
आणि कदाचित तुमच्या आयुष्यातल्या एखाद्या “उम्या”चीही.

ऐका. आठवा. आणि तुमच्या आयुष्यातल्या त्या एखाद्या माणसाला मनातल्या मनात एकदा राम राम करा.

Episode 4 — मराठीची आपण केलेली भुरजी

मराठी आपण विसरलोय असं नाही. पण रोजच्या वापरात तिची अशी काही भुरजी केली आहे की कधी कधी आपण नक्की कोणत्या भाषेत बोलतोय, हे आपल्यालाच कळत नाही.

“अहो” पासून “Excuse me” पर्यंत, “काय म्हणताय?” पासून “How are you?” पर्यंत आणि “येतो मी” पासून “Bye” पर्यंत — आपल्या भाषेत बदललेलं बरंच काही आहे.

नवीन शब्द येणं स्वाभाविक आहे. भाषा बदलत राहणारच. पण या सगळ्या बदलांच्या गडबडीत काही जुने शब्द, काही पद्धती आणि त्यांच्याबरोबर जोडलेल्या आठवणी आपण नकळत दूर तर करत नाही ना?

थोडं हसूया, थोडं आठवूया आणि आपल्या या भाषेच्या भुरजीत थोडी जुनी चवही राहू देऊया.

कधी कधी अगदी छोट्याशा गोष्टीतूनही काहीतरी सुंदर तयार होतं. एका छोट्याशा मुंगीपासून सुरू झालेली ही गप्पा शेवटी एका गाण्यापर्यंत पोहोचली. आजच्या गप्पा छोट्या गोष्टींकडे थोडं वेगळं बघण्याबद्दल... आणि शेवटी मुंगीचं गाणं खास तुमच्यासाठी.

प्रत्येक ग्रुपमध्ये एक तरी YZ असतोच! मित्रांचा ग्रुप असो, ऑफिस असो किंवा WhatsApp ग्रुप. या episode मध्ये अशाच काही भन्नाट YZ प्रजातींचं थोडं उत्खनन करूया.

Nate. काही माणसं आपल्या आयुष्यात येतात, थांबतात… आणि निघून गेल्यावरही मनात कुठेतरी राहून जातात. काही नाती नाव नसतानाही खूप काही देऊन जातात, तर काही नाती असूनही आपण एकमेकांपासून दूर जातो. या गप्पांमध्ये माणसांशी असलेल्या आपल्या नात्यांकडे थोडं वेगळं, थोडं स्वतःकडे पाहत बोलायचा प्रयत्न आहे.