عارف لما تكون في خناقه ولما تروح تفتكر كنت مفروض تقول ايه

انا بقي وانا فيها ببقي عارف

بس 

بفتكر جزء من ماضيا

خسرت فيه كل حاجه كانت في نظري مهمه 

فا بقرر اسكت تماما وانسحب واهرب في اسرع وقت ممكن

مش خوف من الي قدامي

قد ما خوف مني انا 

بخاف افتح عليا شخصيه نفسي اقتلها جوايا

ولكن للاسف.. 

اوقات كتيره الشخصي دا من كتر ما بتخبيه علي الناس

بيتكشف عليا 

وبيجي عليا انا

انت ازاي ساكت..!!

وكانه اسد بينهب جسمي

او صفاره في عقلي  موتراني طول الوقت

جهاد النفس مش هين

ومش سهل 

وفي عز حمران العين..

بتشوف ذكري بتتعاد 

وتشوف نفسك بتهرب منك

وكانك علي خيل من غير لجام

السيطره عليه شبه مستحيله

غير انك تمسك فيه وتدعي ربنا متقعش

انا بحاول اكون نسخه افضل..

ولكن اوقات بحسها نسخه بتوابل

مغطيه علي حقيقتها 

مش قصدي بكلامي اني.. مش حقيقي

قصدي بس اني بحاول مكنش ماضيا