2022 оны 1 сарын 1 нээс хөдөлмөрийн тухай хууль шинэчилсэн найруулгаар хэрэгжиж эхэлсэн. Үүнд чухал таван шинэчлэл нэмэгдэж орсноор ажил олгогч ажилтан хоёрын харилцаанд илүү нарийвчилсан зохицуулалтуудыг тусгажээ. Тиймээс ажилтан ажлын байран дээрх хөдөлмөрийн эрх зүйн орчин алдагдсан гэж үзэж байвал эсвэл хөдөлмөрийн эрх зүйн харилцаа үүсгэх гэж байгаа бол энэхүү дугаар маань танд тус болно гэдэгт итгэлтэй байна.

Мэдээллийг ул суурьтай, шүүлтүүртэйгээр олон нийтэд түгээдэг байх нь чухал. Иргэдийн дунд шүүх түүний хянан шийдвэрлэх ажиллагааны талаар хүнд суртал, авилга шингэсэн мэтээр дам яриа ихэд байдаг. Харин бүх ажиллагаа цаг хугацаатай агаад ямар дэс дарааллаар ямар тогтолцоотой үйлдэгддэг талаар энэхүү дугаараас хүлээн авч сонсоно уу. Өнөөдрийн дугаарт “Өмгөөллийн Юнайтэд Саммит” хуулийн фирмийн өмгөөлөгч Д.Ганзориг мэдээлэл хүргэлээ

Захиргааны хэрэг маргааныг бидний дийлэнх олонх нь төдийлөн сайн мэддэггүй гэж мэргэжилтэн хэлж байна. Гэтэл иргэд бидний эрх ашгийг хөндөж буй төрийн албаны гаргасан шийдвэрийн эсрэг гомдол гаргах эрхийг хангах маргаан юм. Тиймээс илүү дэлгэрэнгүй, танд ямар ашигтай талаар мэдээллийг “ӨМГӨӨЛЛИЙН ЮНАЙТЭД САММИТ” өмгөөллийн фирмийн хуульч өмгөөлөгч ярьж байна.

Иргэдийн дунд шүүх гэдэг ойлголт хүнд дарамттай ойлгогддог. Харин тус төрийн байгууллага нь иргэний талд хэрхэн яаж үйлчилдэг болох хийгээд ямар дэс дараатай үйл ажиллагаа явуулдагыг сонсогч, үзэгч танд таниулцуулж байна.

Хүн бүр нийгмийн харилцаанд орохдоо тухайн улсын нутаг дэвсгэр дээр мөрдөгдөж байгаа хуульд заасан хүрээнд оролцдог. Харин ямарваа нэгэн хоёр талын болоод түүнээс их эзэн холбогдогчтой маргаан үл ойлголцол гарах үед үүнийг зөвхөн ёс зүй ухамсраар шийдэх боломжгүй болдог. Тиймээс тэр улсын хуульд нийцсэн дүрмийн дагуу хэрхэн хохирол амсалгүйгээр эсвэл хохирол багатайгаар асуудлыг шийдэж болох талаар мэргэжлийн хуульч л тусална. Харин энэ хуульч нь ямар ямар үйл ажиллагаа явуулдаг, ямар шаардлага хангасан, ямар ёс зүйн тангараг өргөсөн хийгээд танд яагаад мэргэжлийн хуульч хэрэгтэй талаар “Өмгөөллийн Юнайтэд Саммит” хуулийн фирмийн гүйцэтгэх захирал Ц.Цэцэнбаатар таниулах болно.

Дэлхийн эдийн засагт хүчтэй нөлөө үзүүлж байгаа энэ сэдэв нь манай орны хувьд ч бодолцон үзэх шаардлагатай нэн тэргүүний асуудал юм. Дэлхийн дулаарал, нүүрс хүчлийн хий, байгалийг зүй зохисгүй ашиглах зэрэг нь ирээдүйгээсээ хулгайлж буй гэмт хэрэг гэдгийг сануулсаар байгаа билээ. Тэгвэл энэ нь хэрхэн ямар аргаар эдийн засагт нөлөөлж байгааг талаар сонсогч та манай дугаараас олж мэдэх болно. Бид дэлхий нийтийн чиг хандлагыг дагахгүй л бол байгалийн гамшиг хамгийн их тохиолддог улс орнуудаас ч түрүүлж эдийн засгаар элгээрээ хэвтэж болохоор байна.

Хүмүүс санамсар болгоомжгүй үйлдлээсээ болж гал алдаж, байгаль дэлхийд асар их хохирол учруулдаг. Энэ удаагийн дугаарт Нийслэлийн Чингэлтэй дүүргийн онцгой байдлын хэлтсийн галт түймэр унтраах аврах 10-р ангийн Салааны захирагч, Ахмад Г.Мөнхбат оролцлоо.

"Мэдээлэлтэй хэн ойр байна тэр нь боломжийг түрүүлж атгадаг" гэдэг. Өдөр бүр хүмүүс санхүү эдийн засгийн харилцаанд орж байдаг тул зарим нэршил хийгээд утга учрыг нь таньж мэдэх нь зарим боломжийг атгаж болно эсвэл эрсдэлээс өөрийгөө хамгаалж болно. Тиймээс Brainligh подкаст энэ удаагийн дугаараар ФИНТЕК-ийн талаар асууж лавлалаа.

Та байгууллага хамт олонтой ажилладаг л бол ямар нэгэн баг болж ажиллаж байна гэсэн үг. Тэгвэл та тэр багийнхаа хэрэгтэй гишүүн нь мөн үү. Магадгүй багийг удирдан чиглүүлдэг хэрэгтэй удирдагч нь мөн үү? Танд ямар чанар байж гэмээн хамтаар ажиллах чадамжтай нэгэн болох талаар менежментийн зөвлөх Л.Жаргалсайханаас тодрууллаа.

Дэлхийн бүх баялгийг дэлхийн бүх хүмүүст тарааж өгсөн ч хэсэг хугацааны дараа баялаг хуучин хивэндээ тараагдана гэсэн таамаг байдаг. Ямар учиртайг та мэдэж байгаа байх. Тэд мөнгийг хэрхэн хадгалж, захиран зарцуулахаа мэддэг хүмүүс гэсэн үг. Тиймээс хадгалж сурахад суралцацгаая.