Дэлхий дахинд нийт хаягдаж буй хуванцрын зөвхөн 9 хувь нь л дахин боловсруулагддаг. Харин үлдсэн 91 хувь далай тэнгис болон газарт булагдаж хаягддаг байна. 2050 он гэхэд дэлхийн далайд жингээрээ загаснаас илүү хуванцар агуулагдана гэж эрдэмтэд тооцоолж байна.⁠ Тиймээс бид яг одоо хуванцрын хэрэглээгээ багасгаж, хуванцрыг дахин ашиглаж, ангилж хаях хэрэгтэй. Өөрчлөлт танаас эхэлнэ.

Зориг сангийн 19 дэх жилдээ хэрэгжүүлж буй Залуу Манлайлал (YLP) хөтөлбөрийн оролцогчид жил бүр нийгмийн төсөл хэрэгжүүлдэг. Тэгвэл энэ жилийн оролцогчид 4 багт хуваагдан 4 өөр төсөл хэрэгжүүлж байгаагийн нэг нь "Илгээе" юм. 

Энэ төслөөр дамжуулан Монгол улсаас гадаадад Энхийг сахиулахаар үүрэг гүйцэтгэж буй цэрэг эрчүүд, эмэгтэйчүүддээ урам зориг, ил захидал, илгээмжийг ИЛГЭЭХ зорилготой.

Бид энэхүү ярилцлагаар дамжуулан энхийг сахиулах ажиллагаа нь өөрөө ямар үнэ цэнэ, ач холбогдолтой талаар болон энэ гайхалтай үйлсэд хэрхэн оролцох талаар мэдээлэл өгөх болно.

Гадаад гоо сайханд арьс арчилгаа, нүүр будалт чухал. Гэхдээ гоё сайхан байх нь дотор буюу ходоодоос ихээхэн хамаардаг. Та амаараа ходоод руугаа юу хийнэ, таны арьс яг тийм л байна. Тиймээс хоол хүнсээ зөв бас тэнцвэртэй хэрэглэж, дасгал хөдөлгөөн хийж, сэтгэл санаагаа өөдрөг байлгаснаар дотроосоо гэрэлтэх юм шүү. Мөн дээр нь байгалийн гаралтай гоо сайхны бүтээгдэхүүн хэрэглэх хэрэгтэй.

Хүн өдөрт хоёр литр ус уувал эрүүл мэндэд сайн гэдэг. Гэхдээ бид яагаад ус уух хэрэгтэй бас яаж уувал зөв гэдгийг гүн гүнзгий мэддэггүй. Түүнчлэн ус бол байгалийн шавхагддаг нөөц билээ. Усыг хэрхэн зөв хэрэглэх, хэмнэх талаар шим тэжээл судлаач, эрүүл мэндийн сургагч багш М.Энхбаяртай ярилцлаа.

Тун удахгүй Монгол түмний уламжлалт баяр "Цагаан сар" болох гэж байна. Энэ үеэр хүмүүс хоолыг буруу, тэнцвэргүй хэрэглэж, спирт агуулсан ундаа ихээр уудаг. Үүнээс болж эд эрхтнээ гэмтээдэг. Тиймээс бид сонсогч танд хэрэг болох зохистой буюу тэнцвэртэй хооллолтын талаар ярилцлаа.

2022 оны мэнд хүргэе ээ! Шинэ оны анхны дугаарт Ус хангамж, ариутгах татуургын инженер П.Халиун оролцлоо. Тэрээр Зориг сангийн GEP буюу “Байгаль Орчны Манлайлал” хөтөлбөрт хамрагдаж, “Грийн тийм” багаараа байгаль орчинд ээлтэй төсөл амжилттай хэрэгжүүлжээ. 

GEP нь Монгол улсын байгаль орчинд тулгарч буй олон төрлийн асуудлын талаарх мэдлэгээ дээшлүүлэх хүсэлтэй залуу мэргэжилтнүүдэд зориулагдсан хөтөлбөр юм. Бид залуу мэргэжилтэн П.Халиунтай энэ хөтөлбөрт хамрагдсан туршлага болоод хувь хүнийх нь амьдралын хэв маягийн тухай ярилцлаа. Танд таалагдана хэмээн найдаж байна.