Gesondheid 25 Maart 2015

Gesondheid 18 Maart 2015

Gesondheid 11 Maart 2015

Daar is nou, vir die eerste keer, nuwe behandeling vir melanoon wat reeds versprei het. Hoe werk dit? Hoe effektief is dit en hoe bekostigbaar is dit? 'n Dermatoloog bespreek die nuwe middels, en vertel ook van nuwe behandeling vir basale velkanker.

Jongmense se breine is nog aan die ontwikkel, en dinge kan maklik skeefloop as verkeerde stowwe met breinfunksie inmeng. Dis presies wat dagga en Tik doen. Die middels kan skisofrenie en ander psigoses aanskakel, wat dalk nooit weer afgeskakel kan word nie. Mari Hudson kyk verder na die probleem, wat aan die toeneem is.

Om 'n enkele daggasigaret te rook, kan sekerlik nie te skadelik vir jou tiener wees nie, of hoe? Jy sit die pot lelik mis. 'n Enkele daggasigaret kan 'n psigose soos skisofrenie aanskakel wat nooit weer afgeskakel kan word nie. Ja, jou kind kan een van die wees wie se kop uithak. Geen bloedtoets kan voorspel watter jongmens kwesbaar is vir die ontwikkeling van 'n psigose met die gebruik van dwelms of alkohol nie. Baie jongmense word behandel vir dwelm-geinduseerde psigoses.

Narkotiseur dr. Heinz Mödler beantwoord luisteraarsvrae oor naarheid ná narkose, en narkose en rooikoppe.

Dr. Heinz Mödler is 'n narkotiseur, skryf boeke en het 'n wye belangstelling in mediese sake. Hy gesels oor interessante feite oor narkose, en ook dinge soos of mens kan doodgaan as jy jou hele lyf in verf doop.

As jy al die pyn van migraine ervaar het, sal jy sekerlik dokters vergewe dat hulle jare lank gemeen het die pyn ontstaan in slagare binne die brein. Dit is eintlik veranderings in die klein slagaartjies, vlak onder die kopvel en dus buite die brein, wat tot die geweldige pyn lei. En omdat medici nou die oorsaak van die pyn beter verstaan, is dit moontlik om deur 'n klein prosedure mense wat aan erge migraine of troshoofpyn ly, se pyn te verlig sodat hulle nie weer medikasie benodig nie.

Nuwe tegnologie om hartritmestoornisse, veral atriale fibrillasie, wat baie mense bo sestig tref, het die afgelope vyf jaar dramaties ontwikkel. Marí Hudson kyk na 'n nuwe tegniek waar 'n Kaapse hospitaal weer die eerste in die ontwikkelende wêreld was. En, vir die eerste keer raak private hospitale formeel betrokke by doktersopleiding.