Het jy geweet dat slegs een TB-kiem nodig is om jou aan te steek as iemand met TB naby jou nies of hoes? En dat die TB-lyer met elke nies of hoes sowat 40 000 TB-kieme die lug instuur? Het jy geweet dat die meeste keel- en longinfeksies deur virusse veroorsaak word en dus nie met antibiotika behandel moet word nie? Maar dat een spesifieke keelinfeksie wat wel deur 'n bakterie veroorsaak word, wel deeglik met antibiotika behandel moet word, anders kan die pasiënt hartklepskade opdoen? Hoe ken mens dit uit?

Het jy geweet 'n enkele TB-kiem is genoeg om jou tuberkulose te gee? Of dat die baie mense wat antibiotika nodig het, met te lae dosissse behandel is? Of dat pasiënte druk op dokters plaas om onnodig antibiotika vir hulle voor te skryf? Of dat die meeste gevalle van bronchitis en ander lugwegsiektes deur virusse veroorsaak word, en antibiotika nie daarvoor gaan help nie?

Die eerste slukkie wyn, bier, brandewyn of enige ander alkoholiese drankie wat jy drink, het reeds 'n uitwerking op jou brein. Dit begin met 'n kleinerige effek in die voorste deel van jou brein. Hoe meer sopies jy drink, hoe groter en dieper spoel die brander van effek oor jou brein. Hoe werk dit? Ná hoeveel sopies gebeur wat? Is mens die volgende oggend babalaas of bloot steeds dronk? Luister na die interessante feite wat aan die lig kom wanneer ons deur die oë van 'n forensiese patoloog na wyn, bier, brandewyn en ander alkoholiese drankies kyk.

Het jy geweet 'n gewoontedrinker se brein krimp, en dat die gevaar vir breinbloeding as hulle val, algaande groter word? Het jy geweet dat binge drinking 'n spesifieke uitwerking op een van jou organe het? Waarom lyk dit of gewoontedrinkers hulle drank beter kan hanteer? Sterf iemand wat in 'n wyntenk val, weens alkoholvergiftiging of is daar 'n ander, interessante oorsaak van dood? Dít is enkele van die interessante aspekte wat bespreek word wanneer ons deur die oë van 'n forensiese patoloog na wyn, bier, brandewyn en ander alkoholiese drankies kyk.

Dieetkundige Annchen Weidemann antwoord jou vrae oor gesonde eetgewoontes en gewigsverlieseetplanne.

Wat is fatty liver-siekte? Hoekom sukkel mense op chroniese kortisoonbehandeling om gewig te verloor? Het menopouse iets met gewigstoename te doen? Wat van Banting? Die luisteraarsvrae word beantwoord deur die metabolisme-kenner, prof. Tess van der Merwe.

Gewigsverlies is 'n teer puntjie vir baie. As deel van RSG se skud-dit-afx2 eetplan om oorgewig mense te help om die ekstra vetjies af te skud, het ons dieetkundige Annchen Weidemann in die ateljee wat luisteraars se vrae sal beantwoord. Dis jou kans om die vrae wat jy oor dieet en dieetplanne het, te stel.

Hoe het vroue met polistiese ovariële sindroom verkeerd geëet sodat hulle nie gewig kon verloor nie? Waarom help dit om 4 tot 5 ure tussen maaltye te wag? Waarom kan mens nie net armsvol vrugte eet nie?

In die derde en laaste aflewering in die reeks oor borskanker, gesels Marí Hudson met kenners oor die kwessie of borskanker aan die toeneem is, en of 'n vrou self iets kan doen om haar kans op borskanker te verminder.

Marí Hudson gesels met twee kenners oor die verskillende soorte borskanker, die behandeling van elke soort, die operasie wat Angelina Jolie ondergaan het, die jongste verwikkelings in borsrekonstruksie onmiddellik na 'n mastektomie, en die goeie estetiese resultate.