Dës Woch schwätze mir am woxx-Podcast doriwwer, ob den Internet an Zäite vu Selbstisolatioun a Social Distancing kéint knapp ginn. Vill Leit maachen Homeoffice an notzen hir fräi Zäit dozou, Netflix oder aner Streamingservicer ze kucke – halen d'Leitungen zu Lëtzebuerg dat aus? Donieft beschäftegt eis awer och d'Fro, wat fir een Impakt dee ganze Streaming op d'Ëmwelt huet, an op dee wierklech esou schlëmm ass, wéi dacks gesot gëtt.